(Reportájem José Mauno/Editor Suzana Cardoso)
DILI (Timor Post) – Atu tulun traballador afetadu hosi Covid-19 hodi halo sira nia atividade ho normal fila-fali maka Ministeiru Solidariedade Sosiál no Inkluzaun (MSSI) ofisialmente loke ona rejistu foun ba subsídiu nian.
“Ohin Loron 10 Fulan Maiu, ofisialmente hato’o ba públiku katak iha ona medida kona-ba apoiu empregu ne’ebé mak governu hamosu hodi bele tulun traballadór sira, afetadu husi pandemia Covid-19 ne’ebé labele halo sira nia atividade ho normal.”
Heteten Vice Primeira Ministra (VPM) I no atuál Ministra MSSI, Armanda Berta do Santos ba media hafoin, ofisialmente loke rejistu foun ba subsídiu empregu nian iha nia servisu fatin, Segunda, (10/05/2021).
Notísia Relevante: Apoiu Juta U$45.3 Ba Empregu Iha Medida Neen
Hahú Fulan Marsu tinan ne’e katak VPM I no MSSI ne’e, komunika ona ba empreza sira hotu ne’ebé rejistu ona iha seguransa sosial. Emprezáriu individual, traballadór ho konta rasik, traballadór doméstiku no ba sira ne’ebé lakon sira nia servisu.
Katak Berta, ba sira ne’ebé lakon sira nia servisu maibé seidauk rejistu mak hakarak rejistu tan hodi hetan subsidiu bele mai. Konsidera mós konfinamentu domisiliariu ne’ebé impede komunidade sira atu bele sirkula tanba atu evita Covid-19. Liu-liu iha tempu tama ona tranzmisaun komunitariu.
“Husu nafatin ba hotu-hotu atu kumpre regra ne’ebé mak estabelese ona hodi mantein distánsia sosial. Uza mascara no fase liman. Bainhira tama servisu, husu mós hatama pedidu liu husi email seguransa sosiál,” dehan MSSI Berta.
VPM I Berta hateten, implementasaun programa ne’e sei hala’o hosi Institutu Seguransa Sosial (ISS). Maibé, ba pedidu bele hato’o mós iha sentru solidariedade sosiál iha munisípiu 12 no RAEOA. Hakarak esklarese katak diploma ministerial ne’e la inklui entidade setór públiku.(Lee Notisia Seluk Iha Jornál Timor Post)
1,022 total views, 3 views today
