DILI- Jurista Timor-oan Manuel Tilman afirma, orsamentu doudésimu ne’ebé governu foin lalais aprova ho montante millaun U$ 116.4 hodi uza ba fulan Janeiru 2020, ne’e illegal bainhira la liuhusi desizaun Parlamentu Nasionál.
Tilman hatete, kualker orsamentu ne’ebé governu atu ejekuta nia dalan tenke liuhusi parlamentu nasionál nu’udar órgaun lejislaiva.
“Mezmu duodésimu, 1 Dollar de’it atu sai hosi fundu minarai nian tenke ba parlamentu tanba kompeténsia parlamentu nian, primeiru ministru no konsellu ministru aprova montante ba duodésimu más aprova orsamentu tenke ser ba parlamentu nasionál,” Tilman subliña ba Timor Post iha nia rezidénsia Práia dos Ququeros, Dili, tersa (14/01/2020).
Tilman hatutan, governu nu’udar órgaun ejekutivu labele aprova fali osan ba nia a’an rasik.
Entretantu governu liuhusi konsellu ministru aprova tiha ona orsamentu duodesimu ho montante millaun U$ 116.4, iha loron Segunda (13/01/2020).
Ministra Finansas Sara Lobob Brites ba jornalista sira esplika, desizaun ne’e aprova ho baze dekretu governu ho abrigu lei númeru 13/2019 ne’ebé altera husi lei númeru 9/2011 no 3/2013 ba rejime duodesimál.
Konjuntu husi normas ne’e atu dixiplina aplikasaun rejime duodesimál, ne’ebé atu ezekuta iha loron 1 fulan Janeiru tinan 2020.
Sara dehan, governu daualu remata ezekusaun orsamentu duodesimál bainhira orsamentu jerál estadu tinan fiskál 2020 tama vigor.
Iha parte seluk, Vise Daruak Prezidente Parlamentu Nasional (PN), Maria Angelina Lopes Sarmento hatete, orsamentu duodésimu ne’e sirkuntánsia ne’ebé espesífiku ho karater ne’ebé rigorozu nune’e ba instituisaun estadu uza osan ne’e ho kuidadu.
“Orsamento duodésimu ita hatene sirkunstánsia ida ne’ebé espesífiku uitoan entaun ninia karater ne’e rigorozu tebes, instituisaun estadu sira labele uza osan refere konforme hakarak,” Angelina subliña. (ato)
692 total views, 3 views today
Bele hare Video Seluk :