ADVERTISEMENT

Pasiente Fase Raan ida Afeta ona COVID-19 no iha hela Kondisaun Oksijéniu

Timor Post - Saude
  • Share
Ilustrasaun

Timor Post (21/03/2021)—Pasiente moras daet COVID-19 na’in-ida ne’ebé antes ne’e hetan ona moras króniku (rins) i durante ne’e kumpri hela fase raan iha Hospital Nacional Guido Valadares (HNGV), agora iha hela kondisaun oksijéniu iha izolamentu Vera Kruz.

Diretóra Jerál Prestasaun Saúde (DJPS) Dra. Odete da Silva Viegas ba Timor Post haktuir, pasiente ne’e hetan atensaun maka’as husi profesionál saúde sira.

“Iha izolamentu nia iis boot, maibé médiku sira atende kedas nia ho oksijéniu litru-4 entaun pelumenus nia iis redus,” Dra. Odete dehan.

Pasiente ne’e fase regular raan. Tuir oráriu, pasiente ne’e kada semana tenke fase raan dala rua iha loron Segunda ho Kinta.

“Espera nia kondisaun bele estavel to’o aban ba fase raan. Sé kuandu iha situasaun ruma maka la presiza fase raan maka ekipa tenke halo kedas intervensaun,” Dra. Odete subliña.

Dra. Odete rejeita rumoris iha públika katak iha pasiente na’in-5 maka grave iha izolamentu.

“Pasiente grave ne’e na’in-ida duni kebetulan nia iha kedas moras króniku (rins) i kona tan COVID ne’e bele mós iha komplikasaun,” Dra. Odete hatete.

“Maibé ekipa sira halo hela intervensaun nafatin no halo observasaun oras-24 i ita nia pasiente ne’e agora dadaun iha hela kondisaun ne’ebé maka kontroladu, maibé ho oksijéniu,” Dra. Odete salienta.

Ekipa konjunta evakua pasiente ne’e ba sala izolamentu iha loron Sábadu (20/03/2021) hafoin identifika pozitivu COVID-19. (cao)

 991 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pasiente Fase Raan ida Afeta ona COVID-19 no ih…” A few seconds ago

Lee Mós :
Hakarak Hadi’a Sistema Saúde, Rui Paulo Hasoru PR Horta

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No