ADVERTISEMENT

Pasiente COVID-19 Na’in-5 Rekoperadu, Aumenta Fali 7 Kazu Ativu sa’e ba 99

Timor Post - Baucau · Dili · Viqueque
  • Share

Timor Post (15/03/2021)—Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, husi dadus antes númeru kazu ativu hamutuk 97, ohin, pasiente na’in-5 rekoperadu, aumenta fali na’in-7 sura kazu ativu na’in-99 mak iha sala izolamentu Vera Kruz no Tasi Tolu, Dili.

Kazu foun na’in 7 ne’e, iha mane na’in-5, feto na’in-2, idade husi 14 to’o 43. Hotu-hotu asintomátiku, ka la hatudu sintomas.

ADVERTISEMENT
SCROLL FILA BA NOTISIA


Doutór Rui hajtuir, husi 1 janeiru to’o 14 marsu 2021, totál kazu detetadu pozitivu iha 143, 54% feto & idade média varia entre tinan 22-44.

Pursentu 38 (38%) diagnostikadu iha kuarentena, 62% diagnostikadu iha komunidade, ka la’os iha kuarentena nia laran.

Husi kazu hirak ne’ebé diagnostikadu iha komunidade nia leet, 67% rezidente iha Díli, 24% iha Covalima, 8% iha Baucau, 1% iha Viqueque.

 

Tuir mai komunikadu imprensa kona-ba evolusaun surtu COVID-19 iha Dili, Baukau no Vikeke.

EVOLUSAUN SURTU COVID-19 IHA MUNISÍPIU DÍLI

Husi total kazu foun iha leten, sira na’in 5, iha Munisipiu Dili, ho detalles hanesan tuir mai:

  • Kazu pozitivu 1, iha kuarentena Carla Mansion.
  • Kazu pozitivu 1, husi Aldeia Hura, Suku Motael, Postu Administrativu Vera Cruz. Pozitivu ida-ne’e kontaktu-besik ho kazu konfirmadu ida husi Cluster Aldeia 4 Setembru, ne’ebé mós hetan transmisaun husi nia la’en husi Cluster MTC.
  • Kazu pozitivu 1, husi Aldeia Terra Santa, Suku Madohi, Postu Administrativu Dom Aleixo. Kazu ida-ne’e, husi rastreiu aleatóriu.
  • Kazu pozitivu 1, husi Aldeia Fomento III, Suku Comoro, Postu Administrativu Dom Aleixo. Pozitivu ida-ne’e kontaktu-besik ho kazu konfirmadu ida husi Cluster Aldeia Fomento III.
  • Kazu pozitivu 1, husi Aldeia 5 de Outubro, Suku Bairro Pite, Postu Administrativu Dom Aleixo. Pozitivu ida-ne’e deteta husi amostra vijilánsia sentinela iha HNGV.
Lee Mós :
PNTL Koloka Membru 200 Halo Seguransa ba Trofeu Kopa Mundial

Ho nune’e, kazu detetadu ka pozitivu iha Munisípiu Díli husi dia 7 marsu to’o ohin, hamutuk hotu 72.

Kazu detetadu 72 iha Dili ne’e, fahe ba cluster 22, namkari iha instituisaun 3, eventu 1 no suku 7 iha Postu Administrativu Dom Aleixo, nomós Postu Administrativu Vera Cruz.

 

EVOLUSAUN SURTU COVID-19 IHA MUNISIPIU BAUCAU

  • Amostra hirak ne’ebé foti iha dia 10 no 11 de Marsu iha Baucau, hamutuk hotu 132. Horiseik relata ona katak 37 maka sei hein rezultadu husi laboratoriu, maibe ohin hakarak relata katak 37 ne’e negative hotu.
  • Husi kazu konfirmadu 2 ne’ebé horiseik ralata, no mós vigilánsia sentinel, ekipa konjunta saúde rekolle amostra hamutuk 119. Husi 119 amostras, nain 4 maka pozitivu no sira ne’e hotu profisionál saúde iha Sentru Saúde Wailili. Ho nune’e, iha Munisipiu Baucau, iha Cluster rua:

Cluster Baucau Vila: kazu detetadu 3 (ida iha 2 marsu, na’in 2 iha dia 13 marsu)

Cluster Sentru Saúde Wailili: Kazu detetadu 3 (profisionál saúde hotu).

  • Autoridade saúde Munisipiu Baucau deside taka temporariamente Sentru Saúde Wailili, halo ona dezinfesaun, hafoin sei organiza prestasaun kuidadus primaries saúde ba populasaun iha area ida ne’ebá.
  • Atividade buka-tuir kontaktu besik iha Munisipiu Baucau, kompleta ona. Hahú ohin, amostra sira laboratoriu nian hahú halo análize iha Hospital Referensia Eduardo Ximenes, Baucau. Waihira volume análize bo’ot liu, maka sei lori mós mai Laboratoriu Nasional iha DIli.
  • Governu deside ona atu impoin Serka Sanitária ba Munisipiu Baucau durante 14 dias. Iha periudu ida ne’e ekipa konjunta saúde nian sei buka-tuir kontaktu besik husi kazu pozitivu sira hotu, no identifika grupu de risku sira hodi halo análize laboratóriu. 4.
Lee Mós :
MTK Sei Asina Akordu Servisu Aéreu ho Nova Zelándia

 

SURTU COVID-19 IHA MUNISIPIU VIQUEQUE

  • Laboratoriu Nasional Saúde simu 158 amostras horiseik husi Munisipiu Viqueque. Hafoin halo análize deteta kazu pozitivu 2. Ida husi Aldeia Umane Iku, Ossu de Cima, Postu Administrativu Ossú, ida seluk husi Aldeia Lari, Suku Afaloikai, Postu Administrativu Uatu-Lari. Nain rua ne’e hotu husi DIli, ida primeiru iha dia 12 marsu, ho autorizasaun CIGC atu ba hakoi mate, ida segundu ida dia 8 marsu.
  • Ekipa konjunta saúde hala’o ona atividade buka-tuir kontaktu-besik husi kazu pozitivu nain 2 ne’e.

 

APELU

  • Hakarak halo apelu espesiál ida ba profisionais saúde sira, ho mós kolega sira husi profisaun seluk ne’ebé hamrik iha liña oin kedas, husi kombate hasoru surtu COVID-19, ne’ebé naklekar dadaun iha Timor-Leste nia laran.

Ita nia dezafiu importante maka buka identifika kontaktu-besik husi kazu pozitivu sira hotu, foti amostra, impoin kuarentena ba sira ne’ebé iha risku, izola sira ne’ebé pozitivu, maski asimtomatiku, atu nune’e labele hada’et tutan ba ema seluk.

Lee Mós :
Jogu Dahuluk, Gally Marka Golu Lori Nia Ekipa PSIS Semarang Hetan Vitória

Ema balun seidauk bele, ka seidauk hakarak kompriende sa ida maka ita halo, sei insulta, sei habelar lia falsu, sei tuda ita ho fatuk nafatin.

Ingratidaun ka falta gratidaun, halo fuan moras, maibé fuan moras labele sai obstákulu atu kumpri ita nia misaun importante hodi proteje ita-nia komunidade, ita-nia povu, liuliu sira ne’ebé vulnerável liu.

  • Apela ba populasaun Timor-Leste tomak, liu-liu iha Munisipiu Dili, Baucau ho Viqueque atu nafatin hakmatek.

Maski kazu konfirmadu aumenta ba beibeik, no naklekar mós ona ba Munisipiu Baucau & Viqueque, husu atu tu’lur nafatin hakmatek, atu nafatin matan moris neon na’in, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona:

  • Uza máskara
  • Fase liman beibeik ho sabaun ka dezinfetante ruma
  • Evita kose liman ba matan, inus ho ibun
  • Wainhira kumprimenta malu, lapresiza ka’er liman, bensa-liman, rei-malu ka haku’ak malu
  • Evita halibur malu barak
  • Hamriik ka tur dook husi ema seluk, mínimu metru ida ho balun.

#MédiaPaláciodasCinzas

 1,058 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pasiente COVID-19 Na’in-5 Rekoperadu, Aumenta F…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No