ADVERTISEMENT

Bankada CNRT fó Resposta ba PJR José Ximenes Liga ho Keixa husi Marí Alkatiri

Timor Post - Jeral
  • Share

Timor Post (02/03/2021)— Xefe Bankada CNRT Duarte Nunes, husu ba Parlamentu Nasionál bainhira maka hasai sira nia imunidade atu ba hatán keixa husi Marí Bim Amude Alkatiri atuál Sekretáriu Jerál FRETILIN iha Ministeriu Publiku.

Liuhusi komunikadu ba imprensa ne’ebé Timor Post asesu ohin, liga ho deklarasaun Prokuradór Jerál Repúblika (PJR), José Ximenes katak sei bolu deputadu CNRT hamutuk-21 ba hatán, maka bankada husu atu prosesu ne’e aselera ba oin.

“Ami mós husu ba Parlamentu Nasionál bainhira mak hasai ami-hotu ninia “imunidade” hodi ba hátan iha Ministériu Públiku. Atu nune’e, deputadu CNRT na’in 21 bele aprezenta aan iha Ministériu Públiku hodi lori prosesu ne’e lalais ba oin,” Duarte Nunes afirma.

Pedidu ne’e Bankada CNRT hasai tanba Membrus CPN na’in-hitu (7) simu tiha ona TIR no sente situasaun ida ne’e halakon tiha Liberdade movimentus ba membrus CPN, Partidu CNRT ninian.

Entretantu Sekretariu Jeral FRETILIN, Mari Bim Amude Alkatiri iha loron Tersa (07/07/2020)  ofisialmente hato’o keixa hasoru Komisaun Polítika Nasionál (CPN-sigla Portugés) Partidu Congreço Nacional da Reconstrução Timorense (CNRT) ba Ministériu Públiku.

Alkatiri hato’o keixa ba MP tanba sente hetan atake ba nia naran di’ak nu’udar sidadaun ida ne’ebé iha direitu ba dignidade nu’udar luta na’in-ida ba libertasaun nasionál.

 “Ha’u mai hanesan sidadaun la’ós mai hanesan lider nasionál’ la’ós hanesan sekretáriu jerál, para atu reklama ba estadu, direitu ba bom nome (naran di’ak) direitu ba dignidade, direitu atu labele nafatin atake ha’u bainhira la iha baze. Ha’u atu hakarak hatete de’it katak, ha’u tolera tinan 50 ona desde que ha’u komesa luta ba povu ida nee, maibé maluk timor oan barak balun, inveja karik komesa diskrimina ha’u oi-oin. Tolera tinan 50 nee la’ós uitoan. Agora como ha’u hare buat sira ne’e atu sai boot ba beibeik entaun ha’u hanoin too tempu ona atu hatudu ba maluk sira nee katak labele abuza demais ho hau nia toleránsia. Labele abuza demais ha’u nia lideransa tanba lei sei iha, tanba estadu tenke funsiona, justisa tenke funsiona”, Alkatiri  subliña.

Atuál sekretáriu jerál partidu FRETILIN ne’e subliña keixa hirak ne’e sijilu katak tama ona iha investigasaun, labele fó sai ba públiku.

Maibe antes ne’e Alkatiri ameasa lori keixa ba MInisteriu públiku relasiona ho akuzasaun katak simu subornu hosi kampaña internasionál ConocoPhillips iha prosesu negosiasaun mina Tasi Timor iha tinan 2001. (cao)

 686 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Bankada CNRT fó Resposta ba PJR José Ximenes Li…” A few seconds ago

Lee Mós :
MCAE quer coordenar-se com MAE para apoiar famílias carenciadas

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No