Timor Post (10/02/2021)—Ministra Solidariedade Sosial no Inkluzaun (MSSI) Armanda Berta ho Ministru Justisa (MJ), Manuel Cárceres asina akordu kona-ba servisu hamutuk ba reintegrasaun eis prizioneiru sira.
Hafoin asinatura, Armanda ba Jornalista sira dehan, akordu ne’e kona-ba mós ba fó osan ka subsídiu ho valór $200 ba kada eis prizioneiru, maibé liu tiha loron rua Ministru Cárceres rejeita total.
Hafoin reuniaun Konsellu Ministru iha Palásiu Governu, Dili, Kuarta (10/02/2021), Cárceres ba Jornalista sira subliña, ema ne’ebé ko’alia kona-ba fó subsídiu ba eis prizioneiru sira ne’e matan osan.
“Ida ko’alia kona-ba subsídiu ne’e nia matan fuan osan ka, ministru nunka ko’alia atu fó subsídiu ba eis prizioneiru sira,” Cárceres afirma kestaun ne’e relasiona ho deputadu sira halo krítika maka’as hasoru Ministru Justisa kona-ba fó subsídiu ba eis prizioneiru sira.
Deputadu husi bankada PD Adriano do Nascimento ho deputada Maria Barreto husi bankada CNRT afirma, sé fó subsídiu ba eis prizioneiru sira di’ak liu fó ba vítima sira.
“Ha’u nia entrevista iha Ministeriu Solidaridade Sosial ne’e ha’u la ko’alia kona-ba subsídiu atu fó ba eis prizioneiru sira, iha ne’ebá ko’alia kona-ba reitegrasaun ou reinsersaun sosial,” Ministru Cárceres esplika.
Nune’e, governante ne’e hatutan, servisu hamutuk ida ne’e hanesan fó sira formasaun no muda sira nia mentalidade, atu nune’e sira bele ba komunidade sira bele simu fali sira.
“Sé fó osan ba sira di’ak liu fó ba vitíma sira ne’e, ne’ebé ema sira halo ne’e ko’alia iha anin laran de’it,” Cárceres hatutan.
Maske nune’e, hafoin asina akordu iha salaun MSSI, Tersa (08/02/2021), Ministra Armanda ba Jornalista sira subliña, objetivu prinsipál husi akordu ne’e atu MSSI ho MJ liuliu diresaun nasionál servisu prizionais no re-insersaun sosiál servisu hamutuk kona-ba programa asisténsia sosiál ba apoiu reintegrasaun eis prizioneiru.
“Kuandu kumpri ona sira nia pena no livre husi sira nia responsabilidade, atu nune’e ita bele fó subsidiu uitoan ba sira para bele buka sira nia moris. Durante ita fó $.200 dolar ba kada ema ida,” Armanda subliña.
Entretantu, hafoin notísia ne’e públika, Timor Post seidauk asesu kontiudu husi dokumentu ne’ebé MSSI ho MJ asina.
Jornalista Jaime Pires
Editór Noémio Falcão
630 total views, 3 views today
Oinsa Ita nia Reaksaun iha Notisia Nee?
You have reacted on “Ministra Armanda Deklara fó Osan ba Eis Prizion…”
Bele hare Video Seluk :
Subscribe to Timorpost1
/
1935
PROBLEMA TORRE, DEFÍSIL KOMUNIKA LIU HOSI RÁDIU KOMUNIKASAUN
PN HUSU GOVERNU FASILITA UPM KONTROLU PESKA ILEGÁL
ABAN, KONGRESU NASIONÁL KHUNTO HILI ESTRUTURA FOUN
1
/
1935
