Timor Post (02/01/2021)—Eis Administrador Munisípiu Dili, Ruben João Braz de Carvalho hakotu iis iha Hospital Nacional Guido Valadares (HNGV), Dili, iha loron Tersa (02/02/2021) madrugada, tanba sofre moras diabetes.
Ivan de Carvalho nu’udar matebian oan mane boot ba Timor Post via telefone konfirma, matebian hakotu ona iis no família sira lori ona ba nia rezidénsia Práia dos Coqueros, Dili.
“Nia moras kleur,” ho triste Ruben nia oan mane haktuir no dehan “nia fila ona”.
Ruben hakotu iis ho idade 61.
Madalena Pereira Carlos nu’udar matebian nia kolega eskola iha Téknika Profesional SILVA CUNHA, agora edifísiu UNTL, iha tinan 1971-1974, rona lia rekadu ne’e sente triste tebes.
“Ami-rua iha Ramo Curso Geral do Comércio tinan 1971-1974, ami-rua mak kiik liu, ho semore hetan notas Quadro de Honra, Ruben matenek, no ami nia masa sekolah nivel SMA, nu’udar estudantes ne’ebé foka de’it tanba hakarak iha notas di’ak,” haktuir Madalena ba Timor Post via telefone.
Ruben hakotu iis husik hela nia espoza no oan na’in-tolu inklui feto-ida, mane na’in-rua. (cao)
523 total views, 6 views today
Oinsa Ita nia Reaksaun iha Notisia Nee?
You have reacted on “Eis Administrador Ruben Braz Hakotu Iis”
