ADVERTISEMENT

PN Husu Ministériu Edukasaun Hapara Orientasaun Iha Eskola

Timor Post - Edukasaun
  • Share

Timor Post (19/01/2021)—Tama tinan letivu foun tinan-tinan eskola hotu-hotu inklui universitáriu em jerál iha períodu orientasaun ne’ebé obrigatóriu tuir hosi kada estudante no universitáriu foun.

Maibé hare estudante halo orientasaun iha vídeo ida ne’ebé viral sai kestaun boot ba Deputadu Bankada PLP, Abel Pires, iha parlamentu nasionál.

“Foin daudaun ne’e sirkula tan video ida iha públiku, ne’ebé mak estudante husi eskola balun pratika violénsia hasoru estudante foun sira iha atividade orientasaun. Sé ita nia eskola-oan sira halo violénsia ba malu, akontese iha ita-nia oin, ita la halo buat ida no ita la konsege rezolve, sá jerasaun ida mak ita atu prepara liuhusi ita nia sistema edukasaun”, Pires kestiona iha nia intervensaun nu’udar deputadu liuhusi plenária, tersa (19/01).

                Abel Pires antesipa, semana oin atividade orientasaun atu komesa ona. Nialakohi timoroan hotu-hotu atu hetan violénsia husi sira nia kolega sira ne’ebé mak eskola uluk.

“(orientasaun) ne’e tenke para iha eskola no universidade, tanba pratika ida ne’e la loos. Se ita hakarak setór edukasaun atu prepara ita nia oan aban-bainrua tuir iha fatin ida ne’e (parlamentu) no sai lider hodi lori Timor ne’e ba oin, ita tenke prepara sira  husi ano zero.  Se sira aprende violénsia iha eskola no Estadu tomak nonook de’it i kontinua husik ida ne’e la’o, tinan ruanulu mai sira tuur iha ne’e (parlamentu), sira nia pensamentu nakonu ho violénsia”, dehan Abel.

 Entretantu hatán ba preokupasaun ne’e, Ministru Asuntu Parlamentár Komunikasaun Sosiál, Francisco Jerónimo, nu’udar ministériu portavós governu nian promete sei relata kestaun ne’e ba Ministériu kompetente atu toma atensaun.

“Kona-ba kestaun sira ne’ebé mak levanta husi deputadu sira, ha’u sei enkamina ba Ministériu kompetente para tau atensaun ba kestaun ne’e”, dehan Jerónimo.(Jornalista : Julio Salinas Soares)

 839 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PN Husu Ministériu Edukasaun Hapara Orientasaun…” A few seconds ago

Lee Mós :
Eskola Oso-Uaque funsiona ho professor permanente ida

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No