ADVERTISEMENT

Hatama Keixa Tolu: Alkatiri Presta Deklarasaun ba MP no Afirma La Tauk Xanana

Timor Post - Jeral
  • Share

Timor Post (18/01/2021)—Eis Primeiru Ministru atual Sekretáriu Jerál FRETILIN, Marí Bim Amude Alkatiri presta deklarasaun ba Ministériu Públiku (MP) liga ho keixa tolu ne’ebé nia rasik prosesa inklui kazu Skylight, akujasaun sira husi CPN no Bankada CNRT.

Alkatiri hakat ba edefísiu MP iha Kolmera, Dili, iha Segunda (18/01), tuku sia dader, uza maskara.

Hafoin presta deklarasaun, Alkatiri ba Jornalista sira haktuir, hanesan vítima, nia ba konfirma hotu faktus ne’ebé mak antes ne’e nia hato’o hodi nune’e ajuda MP hala’o proesesu ba oin.

“Ha’u mai ne’e halo rekerimentus ba portal kontuidu substánsia ba ha’u nia keixa ne’ebé mak  ha’u hato’o,” Alkatiri hatete.

Nia afirma, keixa hotu ne’ebé nia prosesa laiha ligasaun ho Prezidente CNRT Kayrala Xanana Gusmão. Maibé, ba Jornalista sira Alkatiri dehan, karik Xanana mak sei hasoru malu ho nia iha justisa, nia afirma katak, la tauk.

“Prezidente CNRT ha’u la hato’o keixa tanba nia la halo deklarasaun, maibé irmaun Xanana mak halo deklarasaun ruma sala ha’u hatama nia, ha’u la tauk ida,” nia deklara.

Entretantu, antes ne’e Alkatiri keixa Komisaun Polítika Nasionál (CPN-sigla Portugés) Partidu Congreço Nacional da Reconstrução Timorense (CNRT) relasiona ho akujasaun sira kona-ba nia involvimentu iha asina Acordo Marítima (CMATS) entre Timor-Leste ho Austrália iha tinan 2002 hodi suspende diskusaun no negosiasaun hotu-hotu sobre disputa Fronteira Marítima durante tinan 50 nia laran

Nune’e mós Alkatiri keixa Bankada CNRT liga ho kazu ne’ebé refere no kazu seluk inklui Skylight hodi oho Prezidente Nicolau Lobato.

Kona-ba Kazu Skylight, Alkatiri keixa ona mós sidadaun na’in-haat inklui José Luis Guterres, Rogerio Lobato, Abílio Araújo ho Guilhermina Lobo de Araújo

Jornalista: Jaime Pires

Editór: Noémio Falcão

 487 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hatama Keixa Tolu: Alkatiri Presta Deklarasaun …” A few seconds ago

Lee Mós :
CNRT dá duas opções a membros do partido no atual Governo

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No