Timor Post (13/13/2021)-Prezidente Interinu Partidu Os Verdes de Timor, Eng. Antonio da Costa Cruz, hatete tribunal notifika ona os verdes iha loron 6 Janeiru molok Prezidente Tribunal Rekursu fó deklarasaun ba públiku.
Antonio esplika, notifikasaun tribunal hato’o atu partidu labele lai halo atividade tanba primeiru númeru eleitór iha munisípiu balun la to’o rihun (1000), segundu lista asinatura hosi membru sira no ikus liu maka sigla partidu nian.
“Loos duni iha razaun fundamentu tolu mak partidu ne’e hetan iha notifikasaun mak hanesan lista númeru rekerente iha munisípiu la to’o ema 1000, iha identifikasaun ne’e apoiante sira nia kartaun eleitorál fotokopia balun lamoos no ida seluk mak lista asinatura ba membru, ikus liu mak sigla partidu nian, sigla ne’e bolu dehan Partidu Os Verdes de Timor, tuir lei tenke POVT. Ida ne’e maka presiza hadi’a fila fali hodi ba legaliza iha notariadu (Ministériu Justisa)”, informa Antonio iha Sede Partidu Os Verdes de Timor, Bemori, Dili Kuarta (13/01).
Da Cruz fó sai kritériu seluk POVT prienxe hotu ona hanesan administrasaun no apoiantes eleitores to’o rihun 20 tuir lei, maibé aprezenta POVT aprezenta ba tribunal rihun 24.
“Partidu Os verdes hanesan roo ida karik soe ona ba iha tasi laran nia hakiduk ladi’ak ona kumpre rekizitu ba oin” hakotu Prezidente Interinu.(Jornalista : Julio Salinas Soares, Editor: Mariano Martins)
686 total views, 3 views today
Bele hare Video Seluk :