ADVERTISEMENT

Kazu Internet Ilegal: Deputadu PLP ho PD husu MP Labele Kriminaliza

Timor Post - Jeral
  • Share

Timor Post (11/01/2021)-Deputadu bankada Partidu Libertasaun Popular (PLP) Abel Pires no Partidu Demokrátiku (PD) Mariano Assanami Sabino husu Ministériu Públiku (MP) aplika lai sansaun administrative maka ba kriminál hasoru kompañia ne’ebé fornese internet ilegál ba estadu.

Tuir Abel Pires se governu foti uluk medida kriminaliza kampaña maka estadu sei la rekupera  despeza ne’ebé durante ne’e estadu lakon.

“Foti lai medida hodi  kompañia sira bele selu multa,  bainhira kompañia sira la rekupera mak estadu foin foti asaun koletivu ba kriminaliza.  Ema (kompañia) hotu-hotu iha timor ne’ebé mak ba rejistu ona (iha SERVE) mós agora daudaun tama iha prosesu kriminál hotu, ne’e laloos”, kestiona Abel iha plenáriu parlamentu nasionál, segunda (11/1).

Pires hatudu iha dekretu lei númeru 15/2012, lei kona bá telekomunikasaun nian hatete klaru ona katak estadu ninia medida primeiru, tenke medida administrativu la’ós medida koletivu ba criminalize ema hotu-hotu ho kódigu penal.

Foin lalais Polisia Servisu Investigasaun Kriminál (PSIK) halo atuasaun ona ba Kompañia telekomunikasaun Telemor, no Elite Computer, tanba deteta komete infrasaun iha fornesimentu internet ba estadu.

Iha fatin hanesan Deputadu Partidu Demokratiku (PD) Mariano Assanami Sabino afirma, governu bainhira halo lei ruma ba area telekomunikasaun, instituisaun implementador sira tenke uza no regula didi’ak, nune’e labele prejudika fali kampaña lokál sira ne’ebé fornese internet.

“Sé ita hakarak halo lei, entaun regula didi’ak, lae ita prezudika ita nia kompañia lokál sira ne’ebé ke fó servisu ba ema barak”, Asanami hakotu.

Jornalista: Julio Salinas Soares

Editor: Mariano Martins

 666 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kazu Internet Ilegal: Deputadu PLP ho PD husu M…” A few seconds ago

Lee Mós :
Xefe Suku Bairru-Pité Sei Fó Prioridade ba Limpeja Jerál

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No