ADVERTISEMENT

PJR Haruka ona Projeitu Lei Sibernétika ba MJ, “Regula Krime Sira ho Meius Internet”

Timor Post - Siensia
  • Share

Timor Post (07/01/2021)- Prokuradór Jerál Repúblika (PJR), José da Costa Ximenes informa, nia parte haruka ona projeitu lei Sibernétika ba Ministériu Justisa (MJ) iha loron 4/01/2021, hodi aprejenta ba Konsellu Ministru deskuti no halo desizaun.

Prokurador José haktuir, projeitu lei ne’e iha artigu tolu-nulu-resin.

“Iha purvolta artigu 33/34 ital ne’ebé ita haree, inklui ida ne’e mós bele ajusta ho kódigu prosesu penal no kódigu penal balun, liu-liu iha prova digitais,” Prokurador José ba Jornalista sira hafoin informa kestaun ne’e ba Primeiru Ministru Taur Matan Ruak, iha Palásiu Governu, Kinta (07/01/2021).

Nia komenta, progresu ida ne’e inisia husi ministériu públiku.

Lei sibernétika mak sei regula informasaun sira ne’ebé sirkula iha plataforma mídia sosial sira. Bainhira lei ne’e iha mak sei iha rekursu atu identifika informasaun falsu sira hodi prosesa ba justisa.

Antes ne’e, Komisáriu Komisaun Anti Korrupsaun (CAC), Sergio Hornai sujere ba governu liuhusi Ministériu Justisa atu prioritiza prodús ezbosu lei krime sibernétika la’ós halo lei kriminaliza difamasaun.

Komisariu Sergio defende katak, lei krime sibernétika ne’e mak bele regula oinsá ema utiliza rede sosiál no meiu internet ba buat di’ak. La’ós ba tolok fali ema, insultu no halo diskursu ódiu iha rede sosiál, inklui mós bele regula aktu krime liuhusi meiu internet, hanesan tranzasaun droga, trafficking umanu no mós ameasa internu ho esternu ne’ebé ema bele utiliza husi plataforma internet.

Jornalista: Jaime Pires

Editór: Noémio Falcão

 1,164 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PJR Haruka ona Projeitu Lei Sibernétika ba MJ, …” A few seconds ago

Lee Mós :
TAKAS: Jerasaun Foun Lee Barak Koñese Mundu

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No