Timor Post (27/12/2020)—Komandante Polísia Tránzitu Nasionál, Superintendente Polísia João Belo dos Reis hatete, ema na’in-78 maka lakon vida hosi asidente tráfegu iha Janeiru to’o Dezembru tinan 2020.
Belo akresenta hosi númeru ne’e maioria idade labarik lori motor ho marka beat. “Ita iha tinan 2020 ne’e, ita nia ema mate ema na’in 78, ne’e domina hosi labarik maioridade, liu-liu motor beat involve Asidente fatal barak liu, halo ema mate barak mós,” João Belo haktuir ba jornalista iha kuartél jerál PNTL Kaikoli, kinta, (24/12).
“Husi númeru mate ne’e bele hatete 40 porsentu ne’e kauza husi motorizada beat,” João tenik
Polisia apela, ba motorizada na’in atu renova (kir) motor nian kontrola, no revista kondisaun motor beat sira molok kondús ka halo viajen.
João Belo apela ba inan-aman sira atu fó transporte ba oan sira ho responsabilidade, no labarik sira seidauk iha karta kondusaun nia husu atu labele kondús transporte.
Molok hakotu komandante ne’e rekoñese labarik sira maka kauza barak hosi asidente tanba la hatene Regra Tránzitu, liu-liu ligasaun ba lei númeru 5/2003 kona-ba kódigu estrada nian.
Jornalista: Julio Salinas Soares
Editor: Mariano Martins
889 total views, 12 views today
Oinsa Ita nia Reaksaun iha Notisia Nee?
Bele hare Video Seluk :
Sorry, there was a YouTube error.