ADVERTISEMENT

COVID-19: Tún husi Aviaun La Hetan Kontrolu iha Aeroportu Komoro, Polísia Foin hetan Fali RTMC iha Mate Uman Aimutin

Timor Post - Dili
  • Share

Timor Post (27/12/2020)—Timoroan feto ida ho inisiál RTMC akompaña nia inan nia isin mate husi Malázia liuhusi Indonézia to’o iha Aeroportu Komoro, Dili, deskonfia la hetan kontrolu husi autoridade sira liga ho moras daet COVID-19.

RTMC ho nia inan nia isin mate tún husi aviaun iha loron 25/12/2020, sa’e kedas Karreta Funerariu lori ba hatún iha mate uman iha Aimutin, Dili.

Nune’e, bainhira autoridade polísia Munisípiu Dili hetan informasaun maka foin ba buka tuir iha Aimutin no konsege lori kedas RTMC iha kalan ba kumpri kedas kuarentena.

Ho situasaun ne’e, RTMC labele partisipa iha serimónia funeral nia inan nian iha loron 26/12/2020.

Ba Timor Post, RTMC rekoñese nia mak akompaña nia ama husi Malázia mai Dili.

“Ha’u mak ho mãe nia mate isin,” RTMC ba Timor Post liuhusi rede sosiál Facebook.

Família matebian haktuir, matebian infrenta moras iha tinan kotuk ba hala’o tratamentu iha ospitál Malázia.

“Ha’u nia tian mate la’ós tanba COVID, ha’u nia tian mate tanba moras seluk,” haktuir família matebian ne’ebé lakohi fó sai identidade.

Entretantu polísia ho parte saúde ba lori RTMC iha Aimutin ba kumpri kuarentena no sei foti amostra hodi ba halo teste iha Laboratórium Nasional hodi hatene RTMC livre husi moras da’et COVID ka la’e. (cao)

 945 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “COVID-19: Tún husi Aviaun La Hetan Kontrolu iha…” A few seconds ago

Lee Mós :
Tinan Ne'e Sei Hamosu Jogadór Foinsa'e Barak

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No