Timor Post (16/12/2020)—Diretór Jerál Sekretariadu Tékniku Administrasaun Eleitorál (STAE) Acílino Manuel Branco, Prezidente Komisaun Nasionál Eleitorál (CNE-sigla Portugés) Alcino Barris, tersa (15/12) lokraik, ofisialmente lansa rezultadu resenseamentu no Atualizasaun Baze Dadus (ABD) tinan 2020, iha Salaun Larigutu Lalini Caicoli-Dili.
Relata hosi Diretór Jerál STAE, katak eleitores ne’ebé rejistu hamutuk ema 829, 236. Entre númeru ne’e mane ema 430, 539 no feto-398,697 kompostu hosi eleitór tuan no foun.
“Total eleitores foun aumenta ho tuan mak hamutuk 829, 236. Elitores sira ne’ebé mak foin rejistu iha tinan 2020 ne’e pur-volta dezasete mill. Númeru ida ne’e provizóriu ba tinan ida ne’e nian, maibé atu hasoru eleisaun prezidente nian, STAE sei halo resenseamentu no atualizasaun másimu iha tinan 2021”, dehan Acílino, iha serimónia lansamentu rezultadu resenseamentu eleitorál no ABD iha Salaun CNI Lalini Larigutu, Kaikoli tersa (15/12) lokraik.
Manuel akresenta tuir lei depois de ita remata prosesu ida ne’e, ninia rezultadu tenke fó sai ba públiku, liuliu ba iha partidus polítiku no mós sei fó sai iha media estadu nian no jornál da repúblika.
Enkuantu ba tinan (2021) hanesan tinan preparativus ba eleisaun nian, Branco dehan atendimentu sei la’o maximal liután iha nivel postu administrativu hotu no mós posivelmente sei ba iha rai-li’ur (diaspora), tanba lei resenseamentu ne’e fó mós diretu ba ita nia sidadaun timoroan hothotu tantu iha rai laran no mós rai li’ur.
Ne’e hatete depende ba situasaun COVID ne’ebé mak iha, “se karik ita haree kondisaun iha 2021 mak sirkulasaun populasaun nian livre ba iha país sira seluk, hau hanoin posivelmente halo atendimentu iha país sira ne’ebé mak uluk ita halo tiha ona resenseamentu no mós eleisaun jerál iha tinan kotuk”.
Iha fatin hanesan, Prezidente Komisaun Nasional Eleisaun (CNE-sigla Portugés), Alcino Barris, subliña nasaun demokrátiku ida kolia kona-ba eleisaun, ninia referénsia mak baze dadus.
“Baze dadus ne’e aktu ida importante” dehan Barris.
Nia aprofunda hosi baze dadus ida ne’e sei uza ba utilidade tolu importante, hanesan inskrisaun ba partidu polítiku sira bainhira atu harii partidu polítiku, kandidatu prezidensiál no eleisaun-votus.
“Ninia importánsia ba baze dadus ne’e mak buat tolu ne’e”, subliña Barris.
Komisáriu CNE nian garante órgaun administrasaun eleitorál ho evolusaun tempu ba oin trata buat sira ne’e hotu tenke transparente para evita deskonfiansa no evita dezakreditasaun ba prosedimentu eleitora.
Tuir observasaun serimónia ne’e superviziona direta hosi CNE, marka prezensa hosi Vise Ministru Administrasaun Estatál, lider Partidu Polítiku sira, PDHJ, Ministériu Justisa, Korpu Diplomátiku, reprezentante UNDP.
Jornalista: Julio Salinas Soares
Editor: Mariano Martins
708 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1935
#GOVERNURONA - IMPLEMENTASAUN IX GOVERNU KONABA DESENTRALIZASAUN PODER LOKAL
PROBLEMA TORRE, DEFÍSIL KOMUNIKA LIU HOSI RÁDIU KOMUNIKASAUN
PN HUSU GOVERNU FASILITA UPM KONTROLU PESKA ILEGÁL
1
/
1935