Timor Post (15/12/2020)-Vise-Ministru Interior António Armindo hatete, membru polísia na’in-20 ne’ebé deskonfia fasilita sidadaun (membru PSHT) ba hasa’e ‘sabuk’ (sintu) iha Indonézia naran aprezenta ona ba komandu jerál no Primeiru Ministru no Ministru Interior.
Hafoin enkontru ho Primeiru Ministru Taur Matan Ruak, Tersa (15/12), Armindo dehan, lista aprejenta ona ba komandu iha fulan hirak liu ba.
“Sim lista ne’e iha duni, ita fó tiha ona komandu dezde fulan ida ka rua liu ba ne’ebé ita hein desizaun hosi komandu,” Armindo haktuir.
Nia adianta lista ne’e Primeiru Ministru hanesan mós Ministru Interior, Taur Matan Ruak haree ona.
Armindo esplika ne’e deskonfia tanba ne’e maibé rezultadu investigasaun mak sei hatene tebes ka lae.
“Iha lista deskonfia ne’e kuaze membru PNTL na’in 20 ida hanesan ne’e, ne’ebé ita hein rezultadu investigasaun hotu mak foin bele hatene” tenik Armindo.(Jornalista: Jaime Pires)
640 total views, 3 views today
Bele hare Video Seluk :
Subscribe to Timorpost
