MVF Hasa’e Kapasidade Servisu Doméstika ba Mane

by -241 views
Diretór NGO Mane ho Vizaun Foun, Américo de Araújo

(Reportajen Olga Soares/Editor Noemio Falcao)

DILI (Timor Post)–Organizasaun Noun Governmental (ONG), Mane ho Vizaun Foun (MVF) hasa’e kapasidade servisu doméstika ba mane sira.

“Dala barak mosu iha sosiedade katak servisu doméstika ne’e vale ba feto de’it, tanba ne’e MFV mosu atu ita servisu besik liu mane sira, nune’e hetan balansu jéneru entre feto no mane”, Diretór NGO Mane ho Vizaun Foun, Américo de Araújo ba Timor Post, Sábadu (09/04/2022), iha Dili.

Nia esplika, durante ne’e MVF halo ona esplikasaun vantajen no dezvantajen atu lori mane sira ba hatene risku hirak ne’ebé iha kuandu forma família saida mak mane atu halo hodi ajuda feto sira iha família.

“Entaun ho ami nia enerjia koko mane sira, atu halo servisu doméstika, baibain ami sempre halo atividade ida, iha momentu selebra loron feto, ami lori mane sira atu halo kampaña te’in kompetisaun iha públiku hodi hatudu ba sosiedade katak mane mós bele te’in”, Américo haktuir.

Maibé nia dehan regra ida ho hanoin ba mane sira hodi hatete mane labele tein ne’e, dala ruma kontribui hosi sosiedade no família rasik.

“Mane sira labele hein too situasaun ferik oan partu ona mak mane sira tama dapur te’in, maibé situasaun ida atu kompleta ho objetivu oinsá família ida moris iha armonia,” nia afirma.

Tanba ne’e, kapasitasaun ba mane sira, Sri kontinua, atu lori mane sira sai na’in ba programa liuliu luta ba mundu zero violénsia feto no labarik feto.(Lee notisia seluk iha Timor Post/Asesu You Tube Timor post)

No More Posts Available.

No more pages to load.