Dili- Polísia Nasional Timor-Leste (PNTL) liu husi Unidade Patrullamentu Fronteira (UPF), Postu Tilomar halo vizilansia no kontrolu iha area fronteira, konsege kaptura sidadaun timor oan ida ho naran inisial FN tinan 27 ne’ebe ilegal hatama minarai hosi area fronteira Wetaba, Suku Beseuk, Postu Administrativu Tilomar, Munisipiu Covalima
“Atu informa katak horisehik dia 3 jullu ita mos halo aprensaun ba kareta Nissan ida ho numeru polisia A.26624 no asegura sidadaun timor oan mane ida ho naran FN, tinan 27, ne’ebe hatama ilegal minarai masa 4 hamutuk 175 litrus inklui tara ba manu futu hamutuk jogu ida. Alende ne’e asegura mos sidadaun feto ida ho naran EM, tinan 28 ne’ebe hatama sigaru marka Arrow Black slop 200 no sidadaun nain rua ne’e kaptura iha fronteira Wetaba, area Tilomar nian”, deklara Komandante Euclides Belo, iha nia Kuartel UPF Nu Badak, segunda ne’e.
Komandante Euclides Belo hatutan, oras ne’e daudaun suspeitu ho evidensia UPF entrega ona ba Komandu PNTL Covalima hodi halo prosesu investigasaun. (SRP/*)
2,179 total views, 3 views today
