MANUFAHI—Ekipa Supervizaun Eleitoral kompostu hosi Brigada, Poling Staff no ekipa Polísia, iha sentru votasaun Bubususu, Postu Administrative Fatuberliu, Munisípiu Manufahi, hafoin kontajen votu remata, la konsege transporta urna ba apuramentu nasionál tanba estrada kotu.
Ofisial Supervizaun Eleisaun (OSE), Munisípiu Manufahi, Jorge de Jesus, informa, horisehik termina kontajen votu bainhira atu fila maibé estrada kotu.
Hafoin to’o ida dalan área besik Suku Fahinehan, Postu Administrativu Fatuberliu, kondisaun estrada sai difikuldade boot ba ekipa atu ultrapasa ba Munisípiu.
Haree ba kondisaun estrada kotu, ekipa OSE, Poling Staff ho ekipa Polísia tun diretamente hodi kee hadi’a estrada hodi transporta Material no urna ba munisípiu.
“Ami triste tebes bainhira atu lori urna ho sasán sensitivu no la sensitivu atu fila maibé pasiénsia ami sei kee hadi’a,” dehan, Jorge ba Timor Post iha, dalan Daru Muruk, Lout, Sabadu (19/03).
Nia husu ba governu ba futuru bainhira atu tama eleisaun, tenke hadi’a uluk estrada atu asegura material eleisaun.
Entretantu rezultadu votasaun iha sentru votasaun Bubususu ho sentru votasaun Bubulur,a kandidatu númeru Lú Olo sai primeiru ligar ho totál votus (116), tuir kedas kandidatura Anakcleto no terseiru kandidatura Mariano Assanami Sabino Lopes.(Lee notisia seluk iha jornal Timor Post/asesu youtube Timor Post)
877 total views, 3 views today
