ADVERTISEMENT

Kampaña Daruak Lú Olo Iha Ermera, Palku VIP Tohar

Mateus da Cruz - Ermera · Munisípiu
  • Share
Militante no simpatizante hamriik nakonu iha kampu laran hodi hakilar fo suporta ba kandidatu Francisco Guterres Lu Olo, ho numeru sorteiu neen, Foto TP/Jose Caet

(Reportajen Jose Caet/Editor Mateus da Cruz)

Ermera (Timor Post)- Kampaña ba loron daruak, kandidatu Prezidente Repúblika Francisco Guterres Lú Olo nian iha Munisípiu Ermera, Komisaun tenke muda fali fatin VIP ba fali fatin banda múzika nian tanba palku VIP ne’ebé kandidatu uza hodi hato’o materia kampaña tohar hafoin kandidatu tur iha minutu balun.

ADVERTISEMENT
SCROLL FILA BA NOTISIA


Palku ninin parte liman karuk tohar hafoin kandidatu númeru sorteiu neen ne’e tuur iha palku leten hamutuk ho Sekretáriu Jerál Partidu Fretilín Mari Bin Amude Alkatiri no Adjuntu partidu Fretilín José Maria dos Reis.

Lee Mós :
Governu Apoiu Vítima Inséndiu Tasi-Tolu Fila ba Munisípiu

Tuir observasaun, hafoin muda ba palku banda múzika nia fatin, kandidatu Lú Olo hahú dirije minutu silénsiu ba matebian sira no hahú kedas ho matéria kampaña  .

Koordenador partidu Fretilin hosi Suku Humboe, Francisco Babo Salsinha, hatete, palku tohar tanba solda maka la metin.

“Palku tohar tanba ekipa hosi nasional maka monta la metin, tanba sira mai monta ne’e kalan tiha ona,”nia dehan.

Lee Mós :
Uma Kain 359 Asesu Bee Moos Kanaliza Hosi IDN

Maski nune’e tuir nia, palku VIP tohar hatudu sinál di’ak katak iha tempu eleisaun mai ne’e urnas sei nakonu ho votus kandidatu numeru neen nian.

“Ha’u hanoin palku tohar hatudu sinal di’ak ba dia 19 marsu kaixa sei nakonu ho votu númeru sorteiu neen,” dehan tan.

Kampaña ne’ebé maka hala’o iha  kampu Futebol Gleno, kinta ne’e, militante no simpatizante kuaze rihun sanulu resin maka halibur iha kampu laran.

Lee Mós :
Timoroan Iha Austrália Bele Tuir Eleisaun Prezidensiál, STAE La Halo Resenseamentu Foun

Kandidatu númeru sorteiu neen hetan akompaña hosi espoza Cidalia Mouzinho Lopes, Sekretariu Jeral Marin Bin Amude Alkatiri, Adjuntu partidu Fretilín José Maria dos Reis no prezidente partidu os verde de Timor António Lela Huno da Crus ho ninia espoza rasik.

Militante sira mai hosi hosi postu administrarive Gleno, Atsabe, Hatulia A, Hatulia B, Letefoho no Railaku. (Lee notísia seluk iha jornál Timor Post/asesu you tube Timor Post)

 727 total views,  3 views today


Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No