ADVERTISEMENT

Komunidade Aldeia Somotcho Tinan 12 Ona La Asesu ba Bee Moos

Mateus da Cruz - Lautem · Munisípiu
  • Share
Komunidade Aldeia Somotcho lalain Jirigen tula ba karreta Baskulante hodi ba kuru bee iha ai-laran fuik, Foto Espesial

(Reportajen Cardenio Alves/Editor Mateus da Cruz)

LAUTEIN (Timor Post)- Komunidade Aldeia Somotcho, Suku Bauro, Postu-Adminiatrativu Lospalos, durante tinan 12 ona la asesu ba bee moos, problema ne’e tanba mákina Sanio ne’ebé utiliza atu supa sai bee ba komunidade sira avaria total.

ADVERTISEMENT
SCROLL FILA BA NOTISIA


Problema ne’e halo komunidade sira iha aldeia lor-loron tenke la’o ain kuaze kilómetru rua hodi ba buka bee moos no balun tenke aluga baskulante hodi ba kuru bee moos iha ai-laran fuik.

Xefe Suku Bauro, Sidalio Freitas, hatete, nia durante ne’e esforsu maka’as hodi buka solusaun ba komunidade sira nia problema maibé laiha rezultadu.

“Ha’u konfirma ona ho parte relevante sira maibé seidauk iha resposta Ida ne’ebé di’ak, daudaun ne’e komunidade sira iha aldeia Somotcho lalin jerigen ba Kuru iha bee posu, dalaruma sira rasik hasai osan hodi aluga baskulante hodi ba Kuru,” hatete Xefe Suku Bauro, Sidalio Freitas, Via Telefone, Tersa, (22-02).

Lee Mós :
Populasaun Fatudia Halerik ba Infraestrutura Básika

Nia husu ba governu atu tau atensaun urjente ba komunidade sira iha aldeia ne’e, tanba la’ós de’it problema bee moos maibé iha aldeia ne’e mós susar tebes asesu eletrisidade no estrada.

“Ha’u nu’udar Xefe  Suku Bauro, iha aldeia neen hanesan Somotcho, Nana-foe, Sepelata, Ira-Lafai, Bauro, Luarai, Ha’u triste bainhira Ha’u dezraska hodi buka maneira oinsá bele rezolve problema ne’ebé akontese iha aldeia nia laran,” nia hatete ho oin triste.

Iha parte seluk, Xefe Aldeia Somotcho, Pedro Cabral, hatete, problema ne’e la’ós foin akontese, maibé tinan sanulu resin ona no to’o agora komunidade aldeia Somotcho lor-loron kontinua lalin jirigen la’o ain kuaze kilómetru 2 hosi aldeia hodi ba kuru bee moos.

Lee Mós :
Konstrusaun Uma Kbi'it Laek iha Suku Bauro Atinje Porsentu 95

“Dala ruma husi aldeia ne’e rasik, halo kontribuisaun (Sumbangan), hodi hadi’a problema aldeia nian, hanesan bee  moos ne’ebé daudaun ne’e sira hasoru, maibé sira nia fundus rasik la favoravel ba sira atu hadi’a hanesan Sanio ne’ebé aat, laiha kualidade ba sira atu uza ba tinan naruk,”tenik.

“Ami Nia problema mak Sanio ne’ebé uza hodi supa bee moos ne’e aat ona, torneiru ba bee  moos la sufisiente ba komunidade sira atu utiliza, nunee problema hirak ne’e fó implikasaun maka’as mai Ami, durante tinan sanulu ona governu seidauk tau matan, daudaun ne’e ami halerik liu bee moos,” Nia sublina.

Lee Mós :
PN Husu MOP Kontrola Xineza Labele Harii Loja Iha Trotoar Leten

Alende ne’e, komunidade Aldeia Somotcho, Eujebio da Cunha, hatete, nia triste tebes durante tinan 10 resin ona kontinua la’o ain ba kuru bee moos.

“Ami aldeia Somotcho besik tinan sanulu resin ona, Hau sente triste no laran susar ba problema neeb Ami hasoru, hanesan ne’e,”nia dehan.

Husu ba ministériu relevante atu tau atensaun urjente ba komunidade sira iha Aldeia Somotcho atu  nune’e sira bele sente moris hanesan iha nasaun ida. (Lee notisia seluk iha jornal Timor Post/asesu you tube Timor Post)

 1,308 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Aldeia Somotcho Tinan 12 Ona La Ases…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No