Timor Post (24/08/2020)—Xefe Negosiador Prinsipál ba Fronteira Rai ho Indonézia, Kayrala Xanana Gusmão subliña, negosiasaun fronteira rai ho Repúblika Indonézia (RI) liuliu iha pontu hirak ne’ebé sei disputa hela inklui pontu ida iha Naktuka kontinua la’o ba oin, maibé atualmente pesti ka moras daet corona (COVID-19) maka impede hela.
Xanana iha Misaun COVID ne’ebé nia inisia hala’o vizita ba Sub-Rejiaun Citrana ne’ebé fronteira iha kedas Naktuka, hatete, nia rasik vizita ona Citrana no tama to’o Naktuka dala tolu ona. No delegasaun husi Jakarta rasik hamutuk ona ho parte Timor Leste nian hasoru malu ona iha Naktuka, maibé nia prosesu sei la’o hela.
“Uluk Wiranto, ikus mai Mahfud ba fali nia fatin. Ami hahú ko’alia maibé tanba Covid. Tanba ne’e, ha’u lembra loron ida iha UPF neba. Iha tinan tolu ka haat liu ona. Iha neba, hasoru malu ho komunidade ita ko’alia ona kona-ba fronteira. Ita ko’alia kona-ba Naktuka duni. Ha’u sa’e ona to’o Kruz no Sakato. I mos ko’alia kona-ba fronteira tasi ba to’o Suai,” Xanana subliña iha nia intervensaun bainhira hala’o asaun karidade iha Suku Bene-Ufe, Sub-Rejiaun Citrana, Oekusi Ambeno bainhira rona preokupasaun komunidade sira nian liu husi Xefe Suku kona-ba disputa rai Naktuka.
“Ha’u sente katak katuas sira sente ona katak saida mak ita atu halo. Buat ida maka katuas sira temi bebeik. Ita ko’alia mós kona-ba fatuk Sinai,” Xanana hatutan.
Nia dehan, iha Kruz iha parte Sub-Rejiaun Pásabe rejolve ona, iha Naktuka mos em-prinsípiu ita dehan katak atu la’o ba oin. Mas tanba Covid maka sira labele mai, ita labele ba,” Xanana salienta.
Tanba ne’e, Xanana husu ba populasaun atu labele iha problema iha Naktuka.
“Too agora ha’u haree katak UPF ho TNI la’o di’ak hela. Iha de’it katuas na’in-rua mak lanu halo problema. Ha’u husu ba joven sira atu labele hakat ba mai iha fronteira. Problema ne’e la’ós tanba ema ida de’it mak mate. Maibé daet ba família, vizinu no ema hotu bele mate tanba moras Covid,” Xanana subliña. (cao)
673 total views, 3 views today
Oinsa Ita nia Reaksaun iha Notisia Nee?
You have reacted on “Iha Citrana, Xanana: Pesti Corona mak Impede he…”
Bele hare Video Seluk :
Subscribe to Timorpost
