ADVERTISEMENT

Gasta Osan Boot, Kontrusaun Igreja Kulturál Nunuhenu Paradu

Mario da Costa - Raeoa
Jornalista : Jerimias Soares
Editor : Mario da Costa
  • Share
CAPTION: Projetu kontrusaun Igreja Kultural Aldeia Nunuhenu, Suku Cuinha, Postu Administrativu Pantai Makasar, Rejiaun Administrativu Espesiál Oe-Cusse Ambeno (RAEOA) kuaze tinan rua ona abandonadu. Imajen/Espesiál.

OE-KUSSE (timorpost.com) – Sarani no autoridade lokál sira preokupa to’o agora kontrusaun Igreja Kultural Aldeia Nunuhenu, Suku Cuinha, Postu Administrativu Pantai Makasar, Rejiaun Administrativu Espesiál Oe-kusse Ambeno (RAEOA) kuaze tinan rua ona abandonadu.

Kontrusaun Igreja ne’e rasik autoridade RAEOA hamutuk ho Reprezentante Arsebispu Arkidioseze Metropolitana Dili, Padre Vigario Episkopal ba assuntu Edukasaun, Guilhermino da Silva ho sarani sira hahú hala’o ona lansamentu fatuk-dahuluk iha loron 25 Novembru 2021.

ADVERTISEMENT
SCROLL FILA BA NOTISIA


Projetu fiziku hosi obra ne’e rasik harii tiha, maibé to’o agora projetu paradu to’o inundasaun iha loron 24 Dezembru 2023 liubá akontese halo mota Tono tun naresin sobu tan, maibé autoridade RAEOA no kompaña ne’ebé kaer obra la preokupa, mezmu sira-nia armazein mota sobu rahun total.

Projetu ne’e mai husi verba Orsamentu Jerál Estadu (OJE) 2021 ho númeru kontratu 232/2021/PA/RAEOA-ZEESM no valor orsamentu 440.844.10 USD.

Tuir dezenu projetu ne’e sei halo ho durasaun fulan ha’at (4) ka loron 120 tenke entrega ona ba autoridade RAEOA iha Fevereiru 2022, maibé faktu fizíku ba projetu hatudu iha terenu, progresu preliminariu foin to’o 50% maski to’o ona Janeiru 2023 sei kontinua paradu.

Lee Mós :
Migrasaun Kaptura Sidadaun Estranjeiru Na’in-42

Xefe Suku Cuinha, Postu Administrativu Pantai Makasar, Domingos Seco Caunan, lamenta no nia aprezenta bebeik problema ne’e Prezidente Autoridade Rejiaun Administrativu Espesiál Oe-kusse Ambeno (RAEOA) hamutuk ho nia estrutura inklui kompaña “tilun diuk” tiha hodi sira la preokupa.

“Projetu ne’e paradu, ami buka tuir autoridade no kompaña hodi husu sira-nia razaun tanba saida maka la kontinua, maibé to’o tinan rua ona laiha reposta, ne’e halo ami duvida to’o mota sobu tan sira-nia armazein mós sira la mai haree,” dehan Domingos bainhira hamutuk ho komunidade observa kondisaun Igreja ne’e iha terenu, Sesta (13/01).

Projetu ne’e harii nia distánsia besik malu ho irrigasaun mota Tono nian no rabat malu kedas ho semitériu públiku Nunuhenu ne’ebé mota Tono foin lalais ne’e sobu.

Lee Mós :
CNRT Husu Responsabilizasaun ba Estagnadu Projetu iha Oekusi

Autoridade lokál hamutuk ho sarani sira tenta konfirma bebeik problema ne’e ba Diretór Kompañia Grand Enclave Unipesoal Lda, Bartolomeo Rakama Eke Sequeira, maibé nunka fó resposta.

“Ha’u tristi liu maka projetu ne’e harii ho osan boot kuaze 440.844.10 USD. agora mota mai sobu tan sira la preokupa, ne’e mak halo ami preokupa tebes,” nia lamente.

Área ba konstrusaun fatin istóriku turizmu kulturál ne’e hamutuk ektare 22, área semitériu inklui kapela no medida ba konstrusaun kapela metru kuadradu 15×12 no 7×24.

Nune’e mós hariis-fatin unidade rua ho medida metru 3×6 ho totál área metru kuadradu 18, no postu seguransa unidade rua ho medida metru 2,5×2,5 ho totál área metru kuadradu 6,25.

Fatin ne’e mós kompleta ho lutu haleu fatin turizmu kulturál ne’e ho kilómetru 1,870, inklui portaun unidade rua, ida ho medida metru 11, ida seluk metru 6,5 no mós drainazen, realidade hatudu Kompañia manan-nain, Grand Enclave Unipesoal, Lda seidauk finaliza projetu ne’e to’o ohin loron.

Lee Mós :
Komemora Loron 30 Agostu, Autoridade RAEOA Loke Feira ba Públiku

Xefe Suku ne’e preokupa no lamenta foin lalais mota sobu tiha ona armazein kompaña nian ne’ebé harii besik iha Igreja, maibé parte kompanã no Diretór Obras Públiku RAEOA, Candido dos Reis Amaral, rasik la hatun ekipa hodi halo fiskalizasaun.

Entretantu, Antes ne’e Prezidente Autoridade ba RAEOA, Arsenio Paixão Bano informa objetivu harii Igreja ne’e nu’udar simblu kultural hodi hanoin hikas istória evangelijasaun fiar katólika Tama Timor-Leste iha Oe-kusse, Na’i lulik sira fó bensaun ema hamutuk 5000 sai sarani Katólika. Nune’e harii kapela ne’e hodi fó lembra nafatin ba jerasaun foun hanoin nafatin istória evanzelijasaun ne’e.

 1,508 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Gasta Osan Boot, Kontrusaun Igreja Kulturál Nun…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No