ADVERTISEMENT

Ministériu Justisa Sei Harii Prizaun Foun Iha Oe-Kusse

Mario da Costa - Raeoa
Jornalista : Beatriz Belo
Editor : Mário da Costa
  • Share
Ministru Justisa, Tiago Amaral, Imajen TP/Beatriz Belo

DILI (timorpost.com) – Ministériu Justisa (MJ), planu tinan oin sei estabelese tan prizaun foun ida iha Rejiaun Administrativa Espesiál Oe-Kusse Ambenu (RAEOA).

Ministru Justisa, Tiago Amaral, hato’o kestaun ne’e ba jornalista sira hafoin entrega ekipamentu DNA iha Auditorium Ministériu Justisa, Kaikoli, Segunda, (12/12).

ADVERTISEMENT
SCROLL FILA BA NOTISIA


“Iha tinan ne’e, iha fulan Abríl ou Maiu, ha’u halo reuniaun ho autoridade RAEOA ho nia ekipa sira iha Ministériu Justisa, sira husu atu estabelese prizaun ida iha Oe-Kusse, tanba prizaun iha RAEOA laiha,” nia dehan.

Lee Mós :
Servisu Aviasaun Rejeita Aviaun ZEESM A’at, Semana ne’e Hahú Hikas Operasaun

Nia dehan, durante ne’e prizoneiru sira, hanesan suspeitu ka arguidu sira ne’e maioria mai detein hamutuk iha prizaun Bekora ou prizaun Glenu ne’ebá, tanba iha prizaun iha RAEOA laiha, entaun susar tebes atu família asesu, kontaktu, komunika no hasoru malu ho sira, tanba semana-semana dadur iha direitu hasoru sira-nia família.

“Maibé, dadur sira iha Oe-Kusse, ha’u mós haree katak ida ne’e difísil no problema uitoan, tanba iha altura ne’ebá ami sujere ona ba autoridade RAEOA para depois estabelese prizaun ida iha ne’ebá,” nia hateten.

Lee Mós :
Prizaun Bekora Rejistu Dadur Na'in-22 Sofre Moras Tuberkuloze

Governante ne’e konta, foin lalais nia ba iha ne’ebá, RAEOA mós ko’alia kona-ba asuntu ida ne’e, oinsá atu harii prizaun ida iha Oe-kusse.

“Tanba ne’e, tinan oin ha’u espera, orsamentu iha ne’ebá iha para depois sira bele prepara ona fatin ruma para sai hanesan prizaun Oe-Kusse,” nia afirma.

Alende ne’e Governante ne’e hatete, iha Oe-Kusse prizaun antigu iha, maibé ida ne’e presiza renovasaun no presiza adia orsamentu lubuk ida, maibé karik orsamentu tinan oin permite ba autoridade RAEOA bele ezekuta, entaun di’ak liu tan, tinan oin bele estabelese prizaun espesiál iha ne’ebá para bele tau matan.

Lee Mós :
Profesór Na'in-116 Kontinua Ezije Osan Retroativu Ba SRESS Oe-kuse

“Maibe, ita iha ona planu atu harii prizaun foun iha Oe-Kusse, tanba prizaun iha ne’ebá laiha ,” nia hakotu.

 2,098 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ministériu Justisa Sei Harii Prizaun Foun Iha O…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No