DILI (timorpost.com) — Membru Bankada Partidu Kongresu Nasionál Rekonstrusaun Timorense (CNRT), Lucia Taeke, Parabeniza kompaña Irmão Timor ou baibain iha Rejiaun Administrativu Espesiál Oé-kusi Ambenu (RAEOA), bolu Patraun Abii, ne’ebé ho fuan domin sosa ona Ró Susesu ba Atoni-oan sira.
“Ha’u fó Parabéns ba Patraun Abii, ne’ebé fó fuan ho domin duni ba povu Oé-kusi atu Sosa Ró Susesu. Husi ne’e mak bele atende netik povu Oé-kusi nia hakilar kada tinan, loron, semana, no fulan,” nia hato’o iha Parlamentu Nasionál, Tersa (08/11).
Nia dehan, ho ida ne’e mak fó hanoin hela Governu hodi nune’e ema hotu bele hanoin ba situasaun ne’e.
Alende ne’e, Lucia Taeke husu mós Primeiru Ministru, ho Ministru Transporte no Komunikasaun (MTK), kona-ba paradeiru transporte marítima Ró Nakroma.
“Ró ne’e ha’u haree tinan hira ona la para iha tasi laran, la hatene ba tiha ne’ebé,” Lucia husu.
Se VIII Governu garantia ba Berlin Ramelau, mais Ró ne’e kuandu to’o tinan ida ba halo manutensaun tenke ida mai troka.
“Tanba ita la tau atensaun ba manutensaun Rotina, ne’e mak bainhira Ró ne’e dodok ona mak ita foin atu tau osan hodi haruka ba ne’e mak tinan ida ona iha Indonézia la mai,” Lucia relata.
Ida ne’e mak hotu-hotu hanoin ba, maski iha biban ne’e hotu-hotu bele hamnasa maibé Povu Oé-kusi mós Povu Timor-Leste.
3,467 total views, 3 views today
