DILI (timorpost.com) — Iha Sábadu (22/10), oras Timor-Leste (11:20), ahi han uma iha ida iha Aldeia Saben, Suku Bobometo, Sub-rejiaun Oesilo, Rejiaun Administrativu Espesiál Oekusi Ambenu (RAEOA).
Tuir joven ida iha Bobometo, Luis Henrique Elu, ahi han uma ne’e, uma-na’in ho viziñu sira esforsu hasai de’it haree karon rua no sasán seluk la aproveita.
“Akontesimentu ne’e, ha’u mai mak sira iha ne’e konta ha’u dehan, Avó feto ho Avó mane ne’e sira sai tiha ba to’os, hela alin mane ida ikun mak hein uma. Husi ne’e, alin ne’e atu halo modo, nia halo la iha uma laran, nia halo iha li’ur maibé besik hela uma ne’e. Entaun anin makaas nune’e mak haan uma ne’e,” lia hirak ne’e Luis Henrique Elu ba Timor Post Online via telemóvel.
Luis Henrique, hanesan juventude iha aldeia ne’e, subliña, iha ne’e, Avó Feto ho Avó Mane ho viziñu sira konsege hasai de’it haree saku rua.
“Ami ho viziñu sira konsege hasai haree karon rua de’it, sasán seluk aproveita. Iha ne’e mós ami mai la konsege toman ona, sorte ahi seidauk klaak didi’ak, ne’ebé ami konsege hasai de’it ne’e,” Luis dehan.
Iha fatin hanesan, bei-oan Paulo Abi haktuir, husi akontesimentu ne’e, iha tuku rua meudia Ofisiál Polísia Suku (OPS) to’o kedan hodi foti dadus.
Akontesimentu ne’e, kona iha Família simples ida ho naran kompletu, Augusta Bobo ho Batista Pãe ne’ebé hamutuk ho oan na’in-5.
Enkuantu iha sorin seluk hanesan, Domingos Tapen Cune, nu’udar Koordenadór CVTL Filiál RAEOA, hatete, hafoin simu informsaun husi komunidade kona-ba akontesimentu ne’e no agora informa ona ba KJRD no APC atu ba haree.
3,474 total views, 3 views today
Bele hare Video Seluk :
Subscribe to Timorpost
