ADVERTISEMENT

Atoni-oan Relembra Tinan 23 Masakre BOBO-UFE Tumin

Mario da Costa - Raeoa
Jornalista : Estaziada Ermelinda Caet
Editor : Mario da Costa
  • Share
Atoni-oan sira iha Dili, hala'o misa ba loron masakre Bobo-Ufe Tumin, iha Igreja Tasi-tolu, Imajen TP/Ermelinda Caet

DILI (timorpost.com) – Atoni-oan sira ohin 09 Setembru 2022, realiza misa iha Igreja Tasi-tolu hodi komemora loron akontesimentu Masakre BOBO-UFE Tumin ba dala-23.

Prezidente Komité Masakre BOBO-UFE Tumin, Batista Elo, hatete ohin relembra akontesimentu tinan 23 liu ne’ebé Aman, Maun, Alin, Amigus sira hamutuk 82 ne’ebé daudauk sira mak toba iha semitériu BOBO-UFE Tumin ne’e, sakrifika sira-nia aan ba luta libertasaun Timor-Leste.

ADVERTISEMENT
SCROLL FILA BA NOTISIA


“Ohin loron 09 Fulan Setembru hanesan loron Masakradu, loron lutu metan, no mós loron ne’ebé hasuli mata-wee”, nia hateten iha Tasi-Tolu, Sesta (09/09).

Nia dehan, tinan ida ne’e Estadu Timor-Leste Selebra loron konsulta popular 30 Fulan Agostu 1999, ba dala-23, entaun ohin sira iha ne’e selebra mós loron akontesimentu tinan 23 ba kotuk, iha loron 08-09 Fulan Setembru 1999, komunidade husi Suku Bobometo, Suku Usitakeno, liuliu Aldeia 3 mak hanesan Tumin, Kiubiselo, Nonkikan, sira-nia direitu ZERO toleránsia.

Lee Mós :
Lucia Taeke Parabeniza Irmão Timor Sosa Ró Susesu Ba Atoni-Oan

Nia hatete, ema hotu hatene luta ba ukun rasik Aan husik hela fitar barak iha povu maubere no Atoni-Oan sira nia isin no neon laran, husi lorosa’e to’o loro monu, hafutar ruin ho ran, eroi barak sakrifika sira-nia aan hodi defende rai Timor Lorosa’e, ho prosesu luta ba ukun rasik an dura to’o tinan 24, ne’e hatudu katak difisil tebes ba povu Timorense atu hetan direitu Liberdade no vitória ba Independénsia.

Nune’e situasaun moruk ida ne’e rezulta ema barak lakon vida, barak sai faluk, barak mós Aman-inan laiha, terus no susar hafalun metin sira iha rai Timor Lorosa’e.

Lee Mós :
“Ro Haksolok La Mai Ha’u Maka Simu Responsabilidade”

“Luta ba libertasaun nasionál rezulta masakre barak iha Timor-Leste, iha Rejiaun Administrativu Espesiál Oe-Kusi Ambenu, ne’ebé hamate ema barak liu iha rai-ketan ne’e mak masakre Bobo-Ufe Tumin, lokaliza iha Suku Bobometo, Postu Administrativu Oe-Silo, Munisípiu Rejiaun Administrativa Espesiál Oe-Kusi Ambenu (REOA),” nia hateten “Iha loron 08 to’o loron 09 fulan Setembru tinan 1999, akontesimentu ida ne’e hatudu katak ita-nia Aman, Maun, Alin, Oan sira sakrifika duni sira nia aan, katak la ta’uk mate, maibé hatudu sira-nia espíritu patriotizmu hodi hetan independénsia”.

Iha fatin hanesan oan husi Matebian Agustinho Boko Neno, Maria Boco Neno, espresa nia sentimentu triste ba akontesimentu ne’e.

“Iha Loron ida ne’e ha’u sente hatene ona tanba ha’u boot Eskola ona, ha’u sente hanesan loron-kalan ami mesak de’it ho ha’u-nia Ama ho Maun sira, ha’u sente la hakmatek tanba Pai ho Maun Boot sira mate la’ós moras maibé sira mate tanba ita-nia rai doben Timor-Leste atu ukun Rasik An”, nia hateten.

Lee Mós :
Governu Komprometidu Sosa Tais Hosi Atoni-oan

Alende ne’e hanesan Oan husi Matebian Francisco Sanan, José António Soares Elo, afirma tuir nia hatene durante ne’e nia Apa husik hela sira nain-3 ho nia Ama de’it, ne’ebé nia sente triste tanba ema hotu moris kompletu ho sira nia família.

 3,035 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Atoni-oan Relembra Tinan 23 Masakre BOBO-UFE Tumin” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No