(Reportajen Estaziadu Mariano Abi/Asistente Editor Hermenegildo da Costa Tilman)
RAEOA (Timor Post) — Sekretáriu Rejiaun Asuntu Edukasaun Solidariedade Sosiál (SRAESS), Abelina da Costa, hatete, Autoridade Rejiaun Oekusi, planeia ona atu halo reabilitasaun ba Eskola Báziku Primária (EBP) Fatu-Kenfua, Suku Usitaku, Sub-rejiaun Nitibe, Rejiaun Administrativu Espesiál Oekusi Ambeno (RAEOA).
“Planeamentu ba konstrusaun no reabilitasaun eskola EBP, tanba relasiona ho daudaun ne’e sai viral tebes iha mídia sosiál tanba kondisaun eskola la di’ak no menus meza, kadeira, inklui sala ba estudante sira menus hodi fó impaktu ba alunu sira tuur iha rai no hakerek iha kadeira durante ezame” nia dehan iha ninia knaar fatin Rua Santa Rossa, Kinta ne’e.
Nia dehan, ho situasaun hanesan ne’e hakarak ka lakohi profesór sira tenke buka maneira oinsá atu estudante sira bele tuir hotu ezame ho kondisaun ne’ebé maka iha, maibé ba iha Eskola Fatu-Kenfua tama ona iha planu atu kontrui no reabilita nune’e estudante sira bele utiliza hala’o sira nia estudu ho di’ak.
Durante ne’e eskola ida-idak iha RAEOA forma ona asosiasaun ida ho naran Asosiasaun Inan Aman no Professors (AIAP), kuandu problema ruma iha eskola presiza inan aman sira nia kontribuisaun nune’e autoridade lokál bele konstrui uma provizóriu ida ba estudante sira.
“Provizoriamente hanesan bai-bain ne’e, ami enkontru ho mestre sira no Inan aman sira kada eskola hodi bele kontribui, hanesan halo uma provizóriu ba estudante sira, ne’e jestaun eskola nian hamutuk ho diretór eskola sira hodi bele ko’alia ho komunidade sira atu serbisu hamutuk,” tenik. (Lee Notísia Seluk Iha Jornál Timor Post/ Asesu You Tube Timor Post)
887 total views, 3 views today
Bele hare Video Seluk :
Subscribe to Timorpost
