DILI (timorpost.com) – Komunidade Laclo, suku uma kaduak Preokupa tebes ho estrada ne’ebé to’o agora seidauk hetan hadi’a husi Governu.
Populasaun Postu Administrativu Laklo, Suku uma kaduak, Munisípiu Manatutu preokupa tebes ho estrada ne’ebé fó impaktu ba transporte privadu no públiku, liuliu ba populasaun sira ne’ebé atu asesu ba Munisípiu hodi buka Moris.
“Ami hakarak Governu hadi’a ema nia estrada, tempu udan ami hasoru difikuldade atu halo movimentu no inundasaun ruma akontese, ami iha laklo sente hanesan kondisaun estrada izola ami atu movimentu”, deklara sidadaun Uma Kaduak, Domingas Amaral ba Timor Post, Sábadu, (18/02/2023).
Komunidade Laclo nafatin ezije ba Governu hodi tau atensaun mós ba Komunidade sira ne’ebé iha area rural.
Autoridades Laclo lori povu sira-nia naran husu ba Ministériu relevante atu kordena ho Governu hodi atu haree kona-ba ida ne’e.
Iha area Laclo Komunidade barak afetadu tebes ho estrada ne’ebé to’o agora seidauk hetan normalizasaun husi Governu.
1,795 total views, 3 views today
