MANATUTO (timorpost.com) –Komunidade iha Postu Administrativu Laklubar, Munisípiu Manatuto, preokupa kondisaun estrada aat, no falta bee moos.
Xefe Suku Batara, Tomás Pinto, hatete Governu sentral seidauk programiza ba area infraestrutura ho dignu iha postu administrativu Lcaklubar, tanba komdisaun no situasaun ne’ebé komunidade sira hasoru uluk to’o agora seidauk iha mudansa.
“Hau hanesan Xefe suku, triste, kona-ba área infraestrutura liuliu estrada, saneamentu, susar tebes atu asesu, no ami garante de’it mak udan been, katak bainhira udan mak ami foin hetan netik bee,” nia hateten iha kna’ar fatin sede suku Batara, Tersa (11/10).
Nia dehan, Munisípiu Manatuto, postu administrativu laklubar, kompletu hosi suku neen, hanesan Batara, Sananai, funer, Manu Lima, Orlalan, fatuk Makerek, kuaze estrada aat hotu.
Preokupasaun komunidade sira nian liu-liu hosi suku Batara oan sira, preokupa mak bee no estrada, maibé realidade povu no komunidade moris nafatin iha estrada ne’ebé ho kondisaun deznesesáriu.
“Estrada refere ita-nia primeira prezidente parlamemtu nasionál mós sai vítima ona, no nia rasik sermpre levanta kondisaun estrada aat ne’e iha plenária maibé to’o ohin loron seidauk iha rezultadu pozitivu”, nia haktuir.
Maibé, nia dehan hanesan lider konselu suku Batara hosi postu Laklubar, Munisípiu Manatuto fiar katak Governu no Estadu sei láhusik nia povu moris mesak.
Tanba ne’e hein katak kondisaun hanesan bee moos, estrada aat, eletrisidade seidauk sufisiente ba komunidade sira loron ikus sei iha.
Iha parte seluk Xefe Aldeia Balulin, Suku Batara, Postu Laklubar, Munisípiu Manatuto, António do Rosário, hatete Governu presiza haree problema kondisaun estrada ho bee moos ne’ebé durante ne’e sira enfrenta.
Preokupasaun komunidade sira nian mak area infraestrutura, hanesan estrada, bee moos, eletrisidade, fiar katak Governu sei toma medida.
2,197 total views, 3 views today
Bele hare Video Seluk :
Subscribe to Timorpost
