DILI (timorpostcom) – Ministru Administrasaun Estatál, Miguel Pereira de Carvalho, hatete loron Proklamasaun Independénsia 28 de Novembru tinan ida ne’e ba dala-47, Governu sei selebra iha Munisípiu Manatutu.
“28 Novembru agora ita sei halo iha Manatutu, Governu prevee orsamentu hanesan tinan-tinan, ita sei prevee orsamentu purvolta $400 mill dólar amerikanu,” nia hateten iha Palásiu Governu, Kuarta (28/09).
Tanba ne’e, nia dehan komisaun organizadora sira agora komesa diskute ona planu sira atu halo iha loron komemorasaun ida ne’e, inklui mós tema,” nia hateten.
Alende ne’e nia mós deklara, kona-ba loron 10 fulan Outobru tinan ida ne’e atu selebra loron sidade Dili, ne’e parte Prezidente Autoridade Munisipál mak sei responsavel.
Nia hatutan, nia parte labele ko’alia buat ruma tanba seidauk simu informasaun ruma husi Prezidente Autoridade Dili, tanba sira mak sei trasa hela planu sira atu komemora.
Ikus nia fó hanoin fali katak, komemorasaun sidade Dili ka Munisípiu Dili, loron 10 fulan Outobru tinan 2022, ida ne’e ba dala 253, hanesan ezisténsia Munisípiu Dili iha Timor-Leste.
1,807 total views, 3 views today
Bele hare Video Seluk :