(Reportajen Jaime Pires/Editor Mateus da Cruz)
Dili (Timor Post)- Polísia Nasionál Timor-Leste (PNTL), Munisípiu Likisá kaptura ona suspeitu ne’ebé mak oho vítima na’in rua iha Suku Fahilebo, Postu Administrativu Bazartete Munisípiu Likisá, Kinta (07/04).
“Suspeitu ita kaer ona iha tuku lima resin ne’e, daudaun ne’e detein hela iha Sela Detensaun Komandu PNTL Munisípiu Likisa, hodi kontinua tuir prosesu tuir mai,” dehan Komandante PNTL Munisípiu Likisá, Superintendente Polísia, Umbelina Soares, Kinta (07/04).
Nia dehan tan, suspeitu AF hela iha Aldeia Hatu-Neso, Suku Fahilebo, Postu Administrativu Bazartete Munisípiu Likísa.
“Suspeitu Oho vítima na’in rua, Edito Soares no Francisco Dos Santos mate iha fatin kedas no suspeitu halai sees husi lokál do krime, hafoin suspeitu halai ba subar iha Likísa Villa, PNTL kaer iha tuku lima lokraik ne’e,” nia dehan.
Atu hakotu, nia parte mós daudaun ne’e seidauk bele dehan, suspeitu ne’e ema moras mental ka la’e, tanba nia parte la’ós doutór hodi bele identifika suspeitu ne’e nia moras mental.
Tuir kronolojia ne’ebé mak Timor Post hetan, kazu ne’e akontese iha tuku sia ho balun dader ne’e, hafoin komunidade sira halo limpeza hodi prepara ba simu ilas São João de Brito, atu vizita komunidade iha suku refere, derrepente suspeitu taa vítima na’in rua ne’e.
921 total views, 3 views today
Bele hare Video Seluk :
Subscribe to Timorpost
