(Reportajen/Editor Mario da Costa)
LIKISÁ (Timor Post) – Eleisaun Prezidensiál (ElPrez) períodu 2022-2027, hosi kandidatu na’in-16, iha sentru votasaun Loidahar, Suku Loidahar, Postu Administrativu Likisá, Munisípiu Likisá, Kandidatu númeru sorteiu 14, José Manuel Ramos Horta, mak sai vensedór.
Konforme rezultadu kontajen iha sentru votasaun hosi ofisiál Komisaun Nasionál Eleisaun (CNE), ho brigada Sekretariadu Administrasaun Tékniku Eleitorál (STAE), sira fó sai katak Kandidatu Horta, mak númeru dahuluk ho votu 372, daruak kandidatu númeru sorteiu 16, Mariano Asanami Sabino, ho votu 70, tuir tan mak kandidatu númeru sorteiu 6, Francisco Guterres Lú-Olo, ho votu 64.
Alende ne’e, kandidatu sira seluk hetan votu hosi 1 to’o 26 de’it.
Maibé, hosi kandidatu na’in-16 ne’e, kandidatu ne’ebé laiha votu mak Gil Guterres “Lamukan”.
Nune’e iha sentru votasaun Loidahar, mós nafatin iha buletin votu nulu 16, mutin 3 no kanseladu 1.(Lee notísia seluk iha Jornál Timor Post/Asesu You Tube Timor Post)
139 total views, 3 views today
