ADVERTISEMENT

Vizita Gleno, Lú Olo: Estudante sira Presiza hetan Formasaun ho Kualidade

Timor Post - Ermera
  • Share

Timor Post (18/11/2020)—Prezidente Repúblika Francisco Guterres Lú Olo iha loron dahuluk iha nia vizita ba Gleno, kapitál munisípiu Ermera, vizita mós Eskola balu maka hanesan Eskola Ensinu Báziku 10 de Abril, Eskola Sekundáriu Nino Konis Santana no Eskola Sekundáriu Hélio Sanches Pina “Mau-Kruma”.

Iha eskola tolu ne’ebé nia vizita, estudante sira ho uniforme ne’ebé identifika kada eskola, akompaña hosi profesór sira, forma halo liña naruk iha odamatan-tama ba edifísiu eskola hirak ne’e, basa-liman, kontente, simu Prezidente Repúblika ho nia komitiva.

Iha eskola sira ne’e, Prezidente Repúblika haree kondisaun no fasilidade sira hodi apoiu prosesu aprendizem.

Dahuluk, Xefe Estadu rona husi Diretór Ensinu Báziku 10 de Abril, Natalino José de Deus, ne’ebé lamenta ho falta sala-de-aula, laiha livru iha biblioteka, ekipamentu laboratóriu no ekipamentu teknolojia informasaun mós laiha.

Iha eskola ne’e, bainhira vizita fatin hodi prepara merenda eskolár, Xefe Estadu husu atu inan-aman sira mós bele kontribui voluntáriu hodi oferese hahán sira ho valór nutritivu iha merenda eskolar, liuliu ba hirak ne’ebé iha kbiit.

Xefe Estadu fó hanoin iha mundu atuál ne’ebé marka ho kompetisaun siénsia no teknolojia, estudante sira presiza hetan formasaun ho kualidade. Nune’e mós ba profesór sira tenki kontinua haklean nafatin sira-nia koñesimentu liu husi formasaun bebeik, hodi prepara didi’ak estudante sira atu bele kompete iha futuru.

Xefe Estadu realsa, Governu iha papel importante atu kria kondisaun hodi investe iha kualidade ensinu ne’ebé determinante hodi hamosu rekursus umanus ne’ebé kompetente

Total estudante Eskola Ensinu Báziku 10 de Abril hamutuk 1311, profesór 54, na’in 42 hanesan profesór permanente no 12 profesór voluntáriu. Sala-de-aula iha eskola ne’e hamutuk 14.

Tuir mai iha parte lokraik, Prezidente Francisco Guterres Lú Olo halo mós vizita ba iha Eskola Sekundáriu Nino Konis Santana no Eskola Sekundária Helio Sanches Pina “Mau-Kruma”, ne’ebé iha estudante hamutuk 729.

“Eskola ne’e hola naran ida ne’e (Helio Sanches Pina Mau-Kruma) atu bele fó kbiit liutan ba profesór sira, ba alunus sira, liuliu ba imi inan-aman sira, atu bele prezerva nafatin eskola ida ne’e, hodi bele fó isin ba oan sira ho beioan sira ne’ebé hola fatin hamutuk iha eskola ida ne’e atu sai nu’udar aliserse loloos ba Estadu-de-direitu demokrátiku ne’ebé maka ita harii tiha ona, liu husi edukasaun ida ne’ebé di’ak para oan sira bele sai matenek atu lori ita-nia rain ida ne’e kontinua ba oin nafatin”, subliña Prezidente Francisco Guterres Lú Olo.

Eskola Sekundária Helio Sanches Pina “Mau-Kruma” harii iha 2015 husi Fundasaun Masakre 1 Setembru maibé iha tinan-18, entrega fali ba Estadu atu tau matan. Eskola ne’e iha estudante hamutuk 729, sala-de-aula 9, profesór hamutuk 35, permanente na’in 30 no voluntáriu na’in haat. (Mídia PR/cao)

 911 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Vizita Gleno, Lú Olo: Estudante sira Presiza he…” A few seconds ago

Lee Mós :
FFTL–TELKOMCEL CUP 2023 Hala’o Abertura iha Ermera

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No