(Reportajen Florindo Coluna/Editor Mateus da Cruz)
ERMERA (Timor Post)– Kandidatu Prezidente Repúblika ho númeru sorteiu 2, promete bainhira simu fila fali konfiansa hosi povu hodi assume hikas knaar prezidente republika ba periodu tuir mai, nia sei garante relasaun entre instiuisaun governu ho órgaun estadu sira seluk sei la’o ho di’ak.
Kandidatu Lú Olo hato’o promesa ne’e iha nia komisiu ba dahuluk iha kapital Gleno, Munisipiu Ermera, Sabadu (02/4).
Nia hatete, iha konstituisaun repúblika define organizasaun poder polítiku no exersisu poder polítiku ne’e tenke la’o hamutuk hodi forma organizasaun poder estadu nian.
“Ha’u hakarak atu hatete iha aspeitu ida ohin ha’u hatete, organizasuan poder polítiku no exersisu poder polítiku nian, rua ne’e tenke la’o hamutuk iha forma organizasaun poder estadu ninian”, nia dehan.
Lee Notisia Relevante : Taur : Lú Olo Manan, Kada Uma Kain Sei Simu 200 USD
Nia esplika, prezidente repúblika, nu’udar xefe estadu, saida maka nia kna’ar loloos maka tenke ka’er metin relasaun Instituisaun ho orgaun sira seluk. Liu-liu orgaun ezekutive hodi fó apoiu no koopra atu orgaun ezekutive bele implementa nia programa ba moris di’ak povu nasaun ida ne’e nian.
“Prezidente repúblika saida maka nia bele halo, maibé tenke ka’er metin nafatin nia relasaun institusionál ho orgaun sira seluk, liu-liu orgaun ezekutive ninian, fó apoiu ba ezekutive, koopera. Dala ida tan ha’u ko’alia para atu nune’e ezekutive ne’e bele implementa polítika kona-ba povu nia moris loron-loron nian”, Kandidatu Lu olo hateten.
Ezemplu konaba edukasaun la’o oinsá ona, kona-ba saude nian oinsá ona, kona-ba agrikultura, saúde no area sira seluk la’o oinsá ona prezidente repúblika tenke akompaña atu nune’e hodi haree orsamentu jerál estadu ne’ebé parlementu aprova atu implementa programa governu nian.
Orgaun poder estadu nian ida ne’e maka fundamental liu maka define prezidente repúblika, governu nu’udar orgaun ezekutive, parlamentu orgaun lejislative no tribunal mak hakotu lia fukun bainhira hakesak ou kesar lia hato’o iha sira.
Iha komisiu Lu olo, prezensa atual Primeiru Ministru Taur Matan Ruak ho konsileru masimu Partidu KHUNTO Jose Naimori Bucar, hanesan forsa ida ba Kandidatu Lu olo atu asume fali mandatu da-rua prezidente repúblika.
811 total views, 3 views today
Bele hare Video Seluk :
Subscribe to Timorpost
