ADVERTISEMENT

Tribunál Interoga Diretór Elit Komputer ho Telemor taka ba Públiku

Timor Post - Dili
  • Share

Timor Post (26/11/2020)—Tribunal Distrital Dili (TDD) Kinta (26/11), realiza primeiru prosesu julgamentu interogatoriu ba arguidu inisial TVB nuudar CEO Telemor no arguidu DP nuudar diretór Elite Komputer ba kazu dada koneksaun liña internet illegal hosi Atambua-Indonézia mai Timor Leste.

Suspeitu na’in-rua SIK detein iha loron Seguda (23/11) deskonfira komete krime fraude fiskal.

Tuir observasaun Timor Post, julgamentu dahuluk ne’e odamatan taka ba públiku inklui mídia.

Tuir ajenda TDD sei fó sai rejultadu julgamentu dahuluk iha loron Sesta (27/11).

Arguidu TVB, SIK detein iha nia servisu fatin Telemor Timor Plaza CBD 4, andar 3 iha loron Segunda (23/11) tuku 15:00

No arguidu DP hanesan diretor Elite Komputer, detein iha servisu fatin Kolmera Dili, tuku 14:45 loraik.

Entretantu, ba Kazu ho numeru prosesu 0166/20/PSIC nee. parte Tribunal sei iha faze julgamentu enkeritu, tanba  ne’e juis prejide seidauk iha desijaun final ba arguidu nain rua.

Iha audiensia prijide hosi juis Ersilia da Silva, Ministeriu Públiku reprezenta prokurador nain rua, Lidia Soares no Matias Soares, parte defeza arguidu hetan asistensia legal hosi advogadu privadu, Pedro Aparicio.

Enkuantu, tuir informasaun antes ne’ebe espalla iha media hotu,  hatete ba kazu kompañia fornesidora lina internet, Elite komputer, ne’ebé nakfati iha Kolmera, Intervensaun SIK ne’e ezekuta mandatu hosi Tribunál prende no detein na’in ba Elite Computer ne’ebé deskonfia halo ligasaun ho fornesimentu internet illegal hosi Indonézia.

Ne’ebe deskonfia halo korrelasaun servisu ba malu hodi fasilita utiliza internet ilegál ne’ebé uza satélit Indonézia nian ho kapasidade 60OMBS ne’ebé fasilita ba liña ministériu sira inklui Komandu PNTL rasik.

Kompania Elite Computer antes servisu hamutuk ho Komandu Jerál PNTL hodi halo ligasaun internet koneksaun ba sistema kontrolu CCTV (Closed Circuit Television) iha sidade Dili no postu integradu liña fronteira terrestre.

 Impaktu hosi servisu korrelasaun entre suspeitu na’in rua hodi fasilita servisu ka jasa internet ilegál ne’e fó prezuiju ba Estadu lakon osan barak tanba hahalok fornese lina internet ba instituisaun Estadu Timor-Leste no mós setor privadu balu ne’e hahú kedas hosi tinan 2012 mai to’o ohin loron. Suspeitu sira nia hahalok ne’e prezumivel halo burla informátika no fraude fiskál. (Jxy)

 557 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Tribunál Interoga Diretór Elit Komputer ho Tele…” A few seconds ago

Lee Mós :
Prezidente Repúblika Sama Ain iha Edifísiu Timor Post

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No