Dili (timorpost.com)—Komandu Komponente Naval rekruta membru na’in-107 ba forsa espesiál Marina (Corpo Komandu Fuzileiru Naval).
Komandu Komponente Naval liu hosi segundu komandante Naval, Kapitaun Fragata, Guido Guterres da Silva, hala’o abertura ba kursu korpu komandu Fuzileiru ba da-neen iha baze Naval Hera.
Iha abertura ne’e segundu Komandante Komponente Naval, kapitaun Fragata, Komandu Komponente Naval, selesiona membru hamutuk na’in-107 ba Forsa Espesiál Naval (Corpo Comando Fuzileiros).
Nune’e mós hanesan Kapiatun Fragata ne’e husu mós ba membru selesionadu sira ne’ebé oras ne’e daudaun tama ona ba formasaun forsa espesiál naval (Corpo Comando Fuzileiros) nian atu iha vontade, espesiál no dixiplina durante formasaun ba forsa espesiál naval.
Nu’udar segundu komandante hakarak fó ha’u nia parabéns ba imi hotu, tanba imi mak selesionadu hodi bele ultrapasa situasaun hotu atu bele sai forsa espesiál naval ninian”, dehan Guido Guterres da Silva.
“Ha’u hakarak husu ba membru fuzileiru rekruta sira laiha instrusaun ida mak todan liu no labele liu, maibé buat hotu sei kaman ba ita se bainhira ita uza ita nia kakutak hodi bele hala’o instrusaun ne’e to’o remata”, nia salienta.
Kapitaun Fragata husu nafatin ba membru rekruta ba korpu komandu fuzileiru atu labele rona ema seluk hodi halakon esperansa ka lakon fiar atu ita boot sira nia espesialidade, maibé fiar-an pasiénsia hodi bele hala’o instrusaun ne’e ho susesu.
Iha abertura formasaun ba Korpu Komandu Fuzileiru ne’e hetan partisipasaun hosi Adidu Defeza Austrália, Adjuntu Adidu DCP, Asesór Portugál no Xefe Estadu Maiór Komponente Naval Inklui Komandante Interinu Korpu Komandu Fuzileiru Naval.
Notísia ne’e Timor Post asesu liuhosi pájina Média F-FDTL nian, Sesta (26/05/2023).
1,461 total views, 6 views today
