DILI—Durante fulan Fevereiru 2023, Hospitál Nasionál Guido Valadares (HNGV), liu husi sala emerjénsia, rejista kazu dengue hamutuk 134, husi númeru ida-ne’e, labarik ki’ik hamutuk 124 no ema adultu hamutuk na’in-10 mak konsege baixa.
“Husi labarik 71 mak ami transfer ba baixa iha laran no 51 ne’e ami halo observasaun no haruka fila ba uma, hanesan ita ko’alia ona katak, kuandu ita haruka ba baixa iha laran ne’e kategoria grave”, dehan Xefe Departamentu Emerjénsia HNGV, Eldegar Lopes Martins, ba Jornalista iha knaar fatin, Segunda (7/03).
Nia hatete, husi total hirak ne’e, pasiente na’in tolu maka pesoál saúde haruka fila ba uma tanba moras ladún grave.
Iha fulan Fevereiru 2023 pasiente ne’ebé mai vizita iha sala Emerjénsia ho total hamutuk 5.139, husi númeru ida-ne’e, asidente ho motor hamutuk 135, asidente ho karreta hamutuk 17, kazu pankada hamutuk na’in-10, koko atu oho aan hamutuk na’in-4, rest ne moras baibain.
Entretantu kazu maternidade hamutuk 554, baixa interna hamutuk 313, baixa ba serology hamutuk 140, baixa ba pediatria hamutuk 246.
“Iha ne’e ami mós fó baixa ba pasiente psikiatria hamutuk 7 no pasiente ne’ebé mai halo observasaun iha ne’e hamutuk 2.754 no pasiente ne’ebé mai alta kedas hamutuk 2.341″, nia hatete.
1,381 total views, 3 views today
Bele hare Video Seluk :
Subscribe to Timorpost
