DILI-Mundu tomak inklui Timor Leste, aban Kuarta, (08/03), selebra loron Internasionál feto, Iha tinan ida ne’e Timor Leste selebra loron mundiál feto ho tema inovasaun no teknolojia.
Prezidente Asosiasaun Mulher Timor Leste (AEMTL), Hergui Luina Fernandes Alves, hatete, tema ba aun Emprezari tinan ida ne’e ho objetivu atu fanu inan feto hothotu oinsá atu asesu ba Téknolojia, hodi hola parte iha progresu era globalizasaun.
“Tanba ne’e tinan ida ne’e, ita selebra loron feto nian ho tema inovasaun no teknolojia, tema ida ne’e, ha’u hanesan enkoraja feto maluk sira oinsá hatene asesu ba teknolojia,” nia dehan iha Otel Timor, Tersa (07/03).
Nia hatete, tema ida ne’e atu motiva feto oinsá atu uza Téknolojia hodi fasilita servisu liuliu ba feto emprezarial sira nune’e hanesan dalan ida fasil atu bele liga sira nia produtu ba merkadu.
Entretantu, Emprezária feto Timoroan, Claricia Lay, husu Governu atu tau atensaun ba feto matenek sira iha rai ida ne’e, tanba feto timoroan barak maka iha espíritu makas maibé laiha oportunidade.
“Selebrasaun loron Internasionál, ita husu Governu tenke haree feto sira nia espíritu negosiu, tanba feto sira nia matenek la too iha ne’ebá, feto sira laiha kbi’t atu hetan finanseira, feto sira iha esforsu no iha buat barak mak atu promove iha merkadu Internasionál, maibé laiha kbiit,” nia dehan.
1,047 total views, 3 views today
Bele hare Video Seluk :
Subscribe to Timorpost
