Díli (timorpost.com) – Prezidente Autoridade Munisípiu Dili (PAMD), Guilhermina Filomena Saldanha Ribeiro, hatete Uma iha Merkadu Taibesi ne’ebé ahi-han ne’e fatin ba komunidade sira lori fan sasán tanba ne’e sira sei hari hikas.
“Ita hotu hatene katak Merkadu Taibesi fatin ida ne’ebé ema lori sasán ba fan iha ne’ebá, depois ema seluk ba sosa, tanba ne’e tempu badak PAMD sei harii fila fali,” nia hateten iha Kaikoli, Tersa (17/01).
Nia dehan, akontesimentu ne’e iha 22 fulan Dezembru 2022 no foin daudauk akontese tan iha fulan Janeiru, ba akontesimentu ne’e iha ona prosesu.
Portantu, nia hatete horisehik sira hetan ona iha final, hein iha tempu badak hatama ona pedidu ba iha Ministériu Administrasaun Estatál (MAE) lori hato’o ba iha Ministériu Finansas.
Nia esplika, pedidu ne’ebé sira aprezenta tanba ne’e konsidera hanesan Asuntu emerjénsia, entaun ne’e sira sei husu osan husi Fundu kontinjénsia hodi bele apoiu atu nune’e iha tempu badak sira bele harii fila fali.
“Ami hatene katak iha ne’ebá dadus ne’ebé ami foti ne’e atu fan sasán, hanesan ita hotu hatene katak fatin ne’ebá ne’e atu fan sasán la’ós ba hela iha ne’ebá, no ami la konsidera hanesan uma komunidade ne’ebé hela, maibé ami konsidera hanesan Vendadór,” nia tenik.
1,080 total views, 6 views today
