ADVERTISEMENT

Komunidade Iha Merkadu Taibesi ‘Mukit’ Bee Moos

Mario da Costa - Dili
Jornalista : Estaziadu Jacinto Caet
Editor : Mário da Costa
  • Share
Torneira laiha bee moos, Imajen Esp.

DILI (timorpost.com) – Koordenadór Merkadu Taibesi, Antonio Manuel de Araujo, informa komunidade iha merkadu Taibesi seidauk asesu ba bee moos dezde tinan 2014 to’o ohin loron, daudaun ne’e komunidade sira kontinua sosa de’it.

Nia hatete, maski Timor-Leste ukun aan tinan 20 ona, maibé populasaun barak moris seidauk saudavel, Governu ka Estadu matan seidauk hateke hetan nia povu terus tinan barak.

ADVERTISEMENT
SCROLL FILA BA NOTISIA


Merkadu Taibesi sai fatin ba komunidade sira atu buka moris hodi sustenta oan ba eskola no mós sustenta família.

“Iha merkadu Taibesi bee moos susar la halimar, vendedor sira iha merkadu laran mós sosa bee kada Tanki ida ho osan 20.00 USD”, nia hateten ba Timor Post, iha nia knaar fatin, Kinta (08/12).

Lee Mós :
Aban, Bainaka VIP Tama Timor Leste
Koordenadór Merkadu Taibesi, António Manuel de Araújo, Imajen TP/Jacinto Caet

Nia akresenta, iha bee maibé tenke uza makina (saynu) ne’e presiza eletrisidade hafoin asesu, presiza bee volume boot nune’e komunidade asesu hotu tanba bee importante ba ema hotu.

Antonio esplika, bainhira bee moos laiha afeita ba vendedor sira-nia produtu, tanba bee atu fornese komunidade sira iha merkadu refere to’o agora seidauk iha, nafatin sujere ba Ministeriu relevante sira atu tau matan lalais.

Nia afirma, kondisaun haris fatin di’ak hela, maibé taka tanba bee laiha atu sirkula nune’e komunidade sira bele utiliza.

“Ita ko’alia ba merkadu Taibesi ho Manleuana la hanesan tanba vendedor sira asesu bee moos, maibé merkadu Taibesi oin seluk bainhira muda husi Hali-laran mai ita uza hanesan merkadu livre”, tenik nia.

Nia hateten, durante ne’e Administradór Munisípiu Dili, hato’o problema hirak ne’e ba Ministériu relevante sira, maibé ne’e prosesu tempu naruk no mós presiza haree didi’ak kondisaun iha merkadu Taibesi.

Lee Mós :
Komunidade Hae-Coni Seidauk Asesu Bee Moos

Antes atu termina, Koordenadór afirma tan katak, kada tinan sempre hato’o proposta maibé seidauk iha resposta, Bee Moos Timor-Leste, Empreza Publiku (BTL,EP) mós haree tiha ona maibé seidauk iha rezultadu bainhira mak kanaliza bee moos.

Alende ne’e, kestaun bee moos, komunidade husi Suku Fatu-hada ladauk asesu, bainhira atu asesu tenke ba rejistu ho osan dollar Amerikanu 51.00 USD hafoin asesu, entaun komunidade barak mak la asesu tanba laiha kapasidade.

“Komunidade barak daudaun ne’e seidauk asesu bee moos tanba osan laiha atu selu hodi dada bee moos ba ninia hela fatin”, informa Xefe Suku Fatuhada, Marcelino Soares ba Timor Post via telefone, Kinta (08/12).

Lee Mós :
Xefe Suku Asumau Organiza Komunidade Hadi’a Estrada

Nia hatutan, komunidade husi aldeia lima mak seidauk asesu bee moos mak hanesan aldeia 01 to’o 05, komunidade balun asesu no balun la asesu.

Marcelino esplika, bainhira iha reuniaun sempre hato’o proposta ba Ministériu relevante sira hanesan Bee Moos Timor-Leste, Empreza Publiku (BTL,EP) maibé ekipa seidauk tun hodi halo identifikasaun.

Daudaun ne’e komunidade barak mak uza makina (Saynu) rasik tanba bee ne’e importante ba ema hotu. Komunidade la asesu bee moos dezde tinan 2014 to’o agora.

Enkuantu Suku Fatuhada iha aldeia lima ho total uma-kain hamutul rihun 415 ho populasaun rihun 18.

 1,435 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Iha Merkadu Taibesi ‘Mukit&#82…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No