DILI (Timor Post) — Judicial System Monitoring Programe (JSMP), halo konsultasaun relasiona ho rezultadu peskiza kona-ba Armonizasaun Idade Menór iha Kódigu Penál no Kódigu Sivíl hodi Próteze Labarik sira iha Timor-Leste.
“Ita halo Konsultasaun ne’e JSMP halo ba iha estrutura suku no komunidade aldeia haat hanesan Golgotha, São José, 4 Setembru no 12 Outubru, Suku Komoro, Postu Administrativu Dom Aleixo, Munisípiu Dili, ne’ebé antes ne’e nu’udar respondente ba peskiza ne’e,” Dehan Diretora JSMP, Ana Paula Marçal, iha Suku Komoro, Sesta (26/08).
Nia dehan, objetivu peskiza ne’e rasik hanesan meu ida dezenvolve evidénsia hodi suporta polítika foun iha setór justisa ne’ebé foku ba protesaun labarik, liuhusi halo armonizasaun idade menór iha Kódigu Penál no Kódigu Sivíl Timor-Leste.
“Ha’u hanesan diretora JSMP, hakarak hato’o agradese ba komunidade sira husi aldeia haat (4) nian ne’ebé partisipa iha peskiza ne’e no espera bele rona tan hanoin husi partisipante sira iha atividade ohin nian”, nia hateten.
Iha fatin hanesan Reprezenta Xefe Suku Komoro, Higino da Costa Nunes, hatete bainhira halo abertura atu fahe informasaun hosi rezultadu peskiza ne’e, agradese no apresiasaun ba JSMP bele hili sira-nia suku sai hanesan tárjetu husi peskiza ne’e.
“Ha’u nu’udar Xefe suku Komoro husu ba JSMP atu kontinua ho peskiza hanesan ba iha aldeia seluk ne’ebé hola parte mós ba iha Suku Komoro, tanba peskiza ne’e importante tebes, fiar katak programa ne’e sei mellora liu tan iha Munisípiu hot-hotu.” nia hakotu.
1,303 total views, 6 views today
Bele hare Video Seluk :