TL-Portugal Seidauk Iha Akordu Formal Lori Pasaporte TL ba Servisu Iha Europa

Dili (Timor Post)—Vise Ministru Negósiu Estranjeiru no Kooperasaun (MNEK), Julião da Silva, hatete, to’o oras ne’e Timor-Leste (TL) ho Portugal seidauk iha akordu lori pasaporte TL ba servisu iha nasaun sira iha Europa.

“Timor-Leste ho Portugal seidauk iha akordu ida katak bele lori pasaporte Timor ba servisu iha Europa, maibé ita so iha akordu bilateral ida katak ita bele uza pasaporte Portugal hodi sai hanesan sidadaun Portugál hodi ba servisu iha Europa”, nia dehan iha Resintu Parlamentu Nasionál, Kuarta, (29/06).

Vice MNEK husu ba sidadaun hotu ne’ebé mak hakarak ba servisu iha estranjeiru presiza tuir dalan legalidade nune’e labele fó impaktu ba sidadaun sira.

“Ha’u lori MNEK nia fatin husu ba sidadaun Timor-oan ne’ebé hakarak ba servisu iha Estranjeiru, MNEK apoia tebes, maibé presiza ba ho dalan legal, pasaporte legal, liu husi governu ho governu. Tanba bainhira hetan ka enfrenta problema no asidente ruma, ne’e mai hotu iha kestaun estadu nian, tanba ne’e mak tenke hatene antes ba servisu iha ema nia rain,” nia hakotu.

 3,281 total views,  3 views today

Oinsa Ita nia Reaksaun iha Notisia Nee?

You have reacted on “TL-Portugal Seidauk Iha Akordu Formal Lori Pasa…” A few seconds ago

Subscribe to Timorpost

«

Prev

1

/

1935

Next

»

#GOVERNURONA - IMPLEMENTASAUN IX GOVERNU KONABA DESENTRALIZASAUN PODER LOKAL

PROBLEMA TORRE, DEFÍSIL KOMUNIKA LIU HOSI RÁDIU KOMUNIKASAUN

PN HUSU GOVERNU FASILITA UPM KONTROLU PESKA ILEGÁL

«

Prev

1

/

1935

Next

»