Dili (Timor Post)—Reuniaun Konsellu Ministru, Kuarta ne’e halo aprovasaun Kona-ba projetu Dekretu-Lei, ne’ebé aprezenta husi Ministru Ensinu Superiór, Siénsia no Kultura, Longuinhos dos Santos, ne’ebé ho objetivu atu halo alterasaun datoluk ba Dekretu-Lei nu.7/2012, loron 15 fulan-fevereiru, ne’ebé aprova Estatutu Kareira Dosente Universitária.
“Ho projetu Dekretu-Lei ne’e, propoin alterasaun rejime jurídiku lubun ida ba Kareira Dosente Universitária Timor-Leste ho hanoin atu kontinua hadi’a, maibé mantein bebeik bazeia ba prinsípiu bazilar méritu nian iha ezersísiu atividade dosente, ne’ebé ligadu ba investigasaun, dosiénsia no kontribuisaun ba dezenvolvimentu sosiedade,” informa Ministru Prezidensiál Konsellu Ministru, Fidelis Magalhães, iha Palasiu Governu.
Nia dehan, Entre alterasaun sira ne’ebé prevee iha Dekretu-Lei ida-ne’e. Destaka kriasaun ba nivel foun rua iha kategoria rua ne’ebé la hanesan (B3 NO C1+), ajustamentu ba kréditu sira entre kategoria B3 no C3, garantia katak sei konsidera kréditu sira hotu ne’ebé hetan hahú kedas omologasaun kareira nian to’o agora, diminuisaun ba númeru tinan esperiénsia ho abilitasaun nian hodi bele progride iha kareira (tinan lima ba de’it tinan ida ) no distinsaun entre dosente sira kareira nian no dosente kontratu sira.
1,836 total views, 3 views today
Bele hare Video Seluk :