Dili (Timor Post)– Organizasaun Internasionál United Nations International Children’s Emergency Fund entrega ekipamentu hanesan Mákina Impresaun, Braille, Mákina Ketik, Mákina gravasaun Dijitál, Software ba Asosiasaun Halibur Defisiénsia Matan Timor-Leste (AHDMTL).
Reprezentante Organizasaun Internasionál United Nations International Children’s Emergency Fund, (UNICEF) iha Timor-Leste, Bilal Durrani hatete, ekipamentu hirak ne’e atu apoiu hadi’a ensinu aprendizajen ba labarik sira ho defisiénsia matan iha Timor-Leste, tanba sira iha direitu hanesan hodi hetan edukasaun.
“Ekipamentu ne’e hanesan ajudus ida ba ita nia maluk AHDMTL atu suporta aprendizajen ba defisiénsia sira iha rai laran”, nia hatete iha sentru AHDMTL Manleuana.
Nia dehan, UNICEF servisu besik liu ho liña ministériu sira atu hadi’ak aprovasaun servisu ba labarik sira ho defisiénsia iha nasaun Timor-Leste no mós halo kolaborasaun hamutuk ho Ministériu Edukasaun Juventude no Desportu.
Iha tinan 2021 atu ajuda aumenta asesu ba edukasaun no informasaun UNICEF mós suporta AHDMTL halo ona avaliasaun kona-ba nesesidade husi labarik sira ho defisiente vizuál iha Munisípiu 3 maka hanesan Likisá, Ermera no Bobonaru.
Nia espera katak, ekipamentu no teknolojia asesivel hirak ne’e bele suporta liu tan AHDMTL sira nia sensivu servisu loor-loron atu empodera labarik sira no ema defisiénsia hodi aprende no involve iha aspetu oioin ba moris loroloron nia.
Iha Fatin hanesan, Diretór interinu Asosiasaun Halibur Defisiénsia Matan iha Timor-Leste (AHDMTL), Gabriel de Souza, agradese ba UNICEF ne’ebe mak suporta ona sira ne’ebe ho orsamentu poor volta de 14 mil USD.
“Ha’u Lori organizasaun AHDMTL, hakarak agradese ba programa UNICEF, ne’ebe mak nafatin ajuda ami liu husi ekipamentu hanesan Mákina Impresaun, Braille, Mákina Ketik, Mákina gravasaun Dijitál, Software no mós orsamentu poor volta de 14 mill USD hodi hala’o ami nia programa loro-loron nian”, hakotu.
1,600 total views, 3 views today
Bele hare Video Seluk :