Dili (Timor Post)- Komandu Polísia Nasional Timor-Leste (PNTL), Munisipiu Dili servisu konjuntu ho Batallaun Orden Públiku (BOP), halo operasaun kaptura joven na’in-10 resin iha Manleuana, inklui ida lori tudik.
Operasaun ne’e halo ba area risku konfilitu hanesan Matadoru, Hudi Laran iha Jaco supermaeket nia oin, Fatumeta, iha area Ai-Mutin, Manleu no iha Bebonuk SD tingkat.
Iha operasaun ne’e halo mós pasa revista ba motor no kareta sira, hare ba dokomentu motor no asesores hotu inklui karta kondusaun no mós sasán kroat ruma ou droga.
Durante operasaun pasa revista iha área sira ne’e konsege prende motorizada lubuk ne’ebe maka maioria karta kondusaun laiha no joven nain 17 iha área Manleuana nia.
Tuir observasaun Timor Post hare entre joven nain-17 ida maka lori tudik modo sem razaun ho nune’e polísia asegura suspeitu ne’e hodi tula kedan nia no sira seluk hodi lori mai identifikasaun iha Komandu Munisípiu Dili, hafoin hatama ba sala durante oras 72 hafoin kontinua prosesu
“Ohin ita halo operasaun ita konsege kaptura joven hamutuk na’in-17 iha area Manleuana ninia, inklui ida lori sasán kroak hanesan tudik, ita kaptura asegura evidensia hodi lori mai halo identifikasaun hafoin hatama kedas ba sela,” dehan Komadante PNTL Munisípiu Dili, Superentendente Xefe, Henrique da Costa ba jornalista sira iha Aimutin, hafoin remata pasa revista, sesta (11/02) kalan ne’e.
Nia dehan operasaun ne’e kalan sei kontinua la’o to’o eleisaun prezidensiál ne’e remata ou bele mós sei kontinua to’o eleisaun parlamentár.
“ita halo pasa revista difikuldade ida mak ita nia karreta laiha atu tula fali motorizada ka kareta sira ne’ebé mak kontra infrassun sira ne’e ba edifisiu PNTL,” dehan Nia.
Nia aumenta tan, operasian ne’e, hetan apoiu husi Unidade Espesial Polísia (UEP), no Batallaun Orden Públiku (BOP), inklui Unidade Polísia Maritima UPM) no Unidade Patroliamentu Fronteira (UPF) hamutuk ho Komandu Munisípiu Dili no apoiu mós husi Komandu jerál PNTL.
Operasun ne’e hahú iha tuku 8:30 no remata iha tuku 11:00 kalan ne’e.
Jornalista: Jaime Pires
1,386 total views, 6 views today
Bele hare Video Seluk :