DILI—Derepente de’it ahi lakan maka’as husi ró ho modelu Speed Boat ida iha tasi ninin besik iha kuartel Unidade Polísia Marítima (UPM), Lesidere, Dili.
Akontesimentu ne’e iha oras, tuku 19:30, deskonfia gas iha ró laran mak nakfera no rejulta ema na’in-ida mate fatin.
Jornalista Timor Post to’o tarde iha fatin akontesimentu, maibé konsege dada lia ho sasin ho naran Alípio Dias ne’ebé haree ho matan akontesimentu ne’e haktuir, bainhira ahi hán ró ne’e ema barak haree de’it husi do’ok tanba ró ne’e para sukat husi rai tasi ninin ba kuaze metru atus ida.
Tanba ne’e, nia dehan, ahi kontinua lakan maka’as liu tan, no liu tiha minutu 30 maka ekipa Bombeiros foin to’o hodi hamate ahi maibé ró ne’e kuaze ahi hán total ona.
To’o notísia ne’e públika, Jornalista Timor Post seidauk konsege hetan konfirmasaun husi ekipa Bombeiros, autoridade UPM no ró nia na’in rasik kona-ba motivu husi akontesimentu ne’e, no ema iha ró laran ka lae, sasan saida de’it mak la aproveita. (res)
617 total views, 3 views today
Bele hare Video Seluk :
Subscribe to Timorpost
