Jornalista Jaime Pires / Editór Noémio Falcão
DILI (Timor Post)—Inisiativa husi nain ba kompania Rudal, Salvador Mahoka rekonstroi postu polísia hamutuk neen iha Dili, dada atensaun ema hotu nian. Mahoka konsideradu emprezáriu ne’ebé laran luak no tau preokuasaun mos ba interese komum.
Komandante Unidade Tránzitu Munisípiu Dili, Inspitor Domingos Sarmento Gama ba Jornalista sira iha nia servisu fatin Kaikoli, Tersa (28/09/2021) subliña, inisiativa Mahoka ne’e ajuda tebes estadu liuliu polísia tránzitu tanba postu seguransa ne’ebé uluk konstroi husi Sekretáriu Estadu Formasaun Profesionál maioria maka a’at fali ona.
“Entaun ita nia emprezariu lokál Mahoka kala la’o ba mai haree postu sira ne’e atu ona balun atu monu tan ona entaun nia rasik hasai material hasai osan hodi Harii fali postu sira ne’e,” Inspetór Domingos hatete.
Postu neen ne’ebé mak Mahoka rekonroi inklui, Postu Tranzitu Bairu-Pite I, Postu Bairu-Pite II, Postu San Suriah, Postu Hotel Timor, Postu Merkadu Lama no Postu Terminal Bekora.
“Horisehik ha’u simu kontaktu husi Diretor Kompañia Rudal ‘Mahoka’ nia dehan konstrusaun to’o ohin to’o ona pursentu 95, hela pursentu lima hodi kompleta %100, ne’ebé parese semana oin bele entrega ona,” Inspetor Domingos.
678 total views, 3 views today
Bele hare Video Seluk :
Subscribe to Timorpost
