ADVERTISEMENT

Konstrusaun Aeroportu Baukau Kontinua La’o

Timor Post - Dili · Ekonomia
  • Share

DILI (Timor Post)—Ministru Prezidénsial Konsellu Ministru (MPKM), Fidelis Leite Magalhães afirma rezignasaun embaixadór Estadu Unidu Amérika Charles Kevin Blackstone la fó impaktu ba konstrusaun aeroportu Baukau.

“Relasaun entre Estadus Unidus ho Timor-Leste iha nivel ida ne’ebé mak kle’an no metin liután, nasaun rua ne’e amigu ne’ebé komunga prinsípiu hanesan, ideia sira kona-ba demokrasia liberal, ne’ebé ita laiha motivu ruma atu ita bele preokupa,” Fidelis informa hafoin remata retiru VIII Governu iha Ministériu Finansas Aitarak-Laran, Sesta (06/08).

ADVERTISEMENT
SCROLL FILA BA NOTISIA


Lee Mós :
Sede Suku Lahane Oriental Hahú Ona Konstrusaun

“Hakarak esklarese, katak rezigna-an ne’e tanba razaun pesoál senor embaixadór nian. Iha fatin hot-hotu kuandu nasaun sira relasaun at ne’e embaixadór sira la rezigna an, sira recall de’it, katak bolu fila ba fali sira nia rain, tanba ema refere labele lakon ninia estatutu hanesan embaixadór, la’ós rezigna-an, tanba rezigna-an ne’e la’ós pratika ida iha relasaun diplomátika ne’ebé mak refleta estadu kondisaun relasaun entre nasaun nian,” Fidelis informa hafoin remata reuniaun KM iha Palásiu Governu, Kuarta (04/08).

Lee Mós :
Konstrusaun Rezidénsia Irmã Franciscana Missionária Laleia Sei Finaliza iha Tempu Besik

Porta vóz Governu ne’e hatete, rezignasaun embaixadór EUA nian ne’e razaun pesoál.

“Se nasaun ida ne’ebé simu maka lakohi atu nasaun ida seluk iha ninia reprezentasaun diplomátika iha nia rai laran nia espulsa, katak nia haruka fila-fali embaixadór ne’e ka reprezentante diplomasia ne’e fila-fali ba iha ninia rain, maibé la’ós iha kazu ida ne’e,” Fidelis katak.

“Ne’ebé ita la presiza komenta naruk, maibé ita apresia katak ita-nia kolega Blackstone ne’ebé mak halo ninia knar iha ita-nia rai, infelizmente iha tempu badak, maibé nia halo buat barak hanesan imi hotu akompaña. Ita espera katak seluk ida ne’ebé mak sei mai, iha futuru mós sei mantein nafatin enerjia hanesan no hakle’an liután relasaun entre ita-nia rai rua,” Fidelis esperansa. (jry)

 1,059 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Konstrusaun Aeroportu Baukau Kontinua La’o” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No