ADVERTISEMENT

Lansamentu Vasina Sinovac Hala’o iha UNTL

- Dili · Saude
  • Share
Lansamentu vasinasaun Sinovac ne'ebé hala'o iha UNTL. (Foto TP/Olga Soares)

(Reportajen Olga Soares/Editor Suzana Cardoso)

DILI (Timor Post) – Atu motiva nomos fó esperansa ba estudante ensino superior sira ne’ebé idade merese ona atu simu vasina prevene propagasaun Covid-19 nian maka Prezidente Parlamentu Nasional (PN) hamutuk ho governu lansa vasina Sinovac ne’ebé fó husi Nasaun Xina iha Universidade Nasional Timor-Lorosa’e (UNTL).

ADVERTISEMENT
SCROLL FILA BA NOTISIA

“Hanesan ita hatene, atividade letiva sira iha eskola nivel ensinu oioin no iha Instituisaun Ensinu Superiór sira, liuliu iha munisípiu Dili hetan ona suspensaun durante fulan barak nia laran. Tanba ita enfrenta propagasaun maka’as husi Covid-19. Nune’e apresia ho lansamentu ne’ebé hala’o dau-daun ne’e.”

Lia fuan hirak ne’e hato’o husi Ministru Ensinu Superior Siensia no Kultura, Longuinhos dos Santos iha lansamantu Vasina Sinovac iha Universidade Nasional Timor-Lorosa’e (UNTL), Segunda, (14/06/2021).

Lansamentu vasina sinovac ba estudante UNTL ne’e lansa husi governante; Ministra Saúde, Odete Maria Freitas Belo. Vise Ministru Saúde, Bonifácio Mau-Coli dos Reis. Ministru Defeza, Filomino Paixão, Ministru Edukasaun Joventude no Desportu, Armindo Maia, Ministru Ensinu Superior Siensia Kultura (MESSK), Longuinhos dos Santos, Sekretáriu Estadu Joventude no Desportu, Abrão Saldanha, Vise Ministra Finansas, Sara Lobo no Prezidente Parlamentu Nasionál (PPN), Aniceto Guterres.

Lee Mós:
Governu Apoiu Osan Rihun $60 Ba Veteranu-Nia Oan

Partisipa mós iha lansamentu ne’e; Embaixadór Indonézia, Sahat Sitorus, Reprezentante Organizasaun Saúde Mundiál (OMS), Reitór UNTL, médiku no estudante sira.

Hateten MESSK Longuinhos, kampaña vasinasaun ba dosente no estudante husi instituisaun Ensinu Superiór no Komunidade Xineza iha Munisípiu Dili ho vasina Sinovac ne’e reprezenta motivu ksolok no esperansa nian ida. Ita hotu hakarak prevene propagasaun Covid-19 no kria kondisaun atu normaliza sidadaun sira-nia moris.

Katak Longuinhos, iha kazu espesífiku husi instituisaun Ensinu Superiór sira iha ambisaun atu reativa fali atividade letiva prezensiál sira iha instituisaun hotu-hotu. Nune’e, atu konkretiza objetivu ida ne’e, presiza asegura katak maioria husi 67.000.

Lee Mós:
Pasiente Fase Raan Nadodon no Preokupa Atendimentu iha HNGV, Doutór Flávio Rekoñese Médiku balun Tama Kuarentena no Izolamentu

Tanba ne’e tuir Loinginhos, dosente, estudante no funsionáriu husi Instituisaun Ensinu Superiór públika no privada sira partisipa ativamente iha kampaña vasinasaun ida ne’e no hetan prosesu vasinasaun kompletu.

“Tanba ne’e, ha’u hakarak apela ba dosente, estudante no funsionáriu sira hotu la bele ta’uk vasina no aproveita oportunidade ida-ne’e atu proteje imi-nia saúde. No saúde husi imi-nia família sira. Vasina ne’e labele sai problema ka dezafiu ida,” nia alerta.

Vasina ne’e hateten Longinhos, nu’udar oportunidade úniku hodi manán virus ne’e no hodi kontribui ba futuru ida ne’ebé di’ak liu ba ita-nia asaun.

Membru governu ne’e informa, Ministériu Ensinu Superiór, Siénsia no Kultura, hamutuk ho Ministériu Saúde, define ona postu vasinasaun haat ba membru komunidade akadémika husi Instituisaun Ensinu Superiór Munisípiu Dili nian; UNTL, DIT, Sekretaria Estadu Juventude no Desportu no Asosiasaun Xineza iha Timor-Leste.

Lee Mós:
Governu ho UNTL Realiza Semináriu Internasionál ba Loron FALINTIL

“Atu hetan vasina, dosente, estudante no funsionáriu sira hotu tenke ba iha instituisaun hirak ne’e, hahú ohin, loron 14 fulan-juñu. Instituisaun Ensinu Superiór sira seluk ne’ebé la’ós iha munisípiu Dili nian, sei mós hetan kedas bainhira iha ona possibilidade,” Nia hakotu.

Tuir observasaun Timor Post iha tereinu nota katak, serimónia ba lansamentu produtu Vasina Sinovac ne’e, laiha distansia Sosiál nomos laiha distansia fíziku.(Lee notísia seluk iha jornál Timor Post)

 171 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lansamentu Vasina Sinovac Hala’o iha UNTL” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: